23/04/2014 16:05:57

Mori vesh për gjobën në media

Nuk mori njoftim për gjobën e vënë nga ILDKPKI, zv.ministri i mbrojtjes padi në gjykatë

TIRANË - Bëhet fjalë për një gjobë vendosur ndaj zv. ministrit të mbrojtjes Dritan Hila, jo më pak se 50 mijë lekë nga ILDKPKI. Hila shprehet se, njoftimin për gjobën e ka marrë nëpërmjet medias dhe saktëson, "bëhet fjalë për vonesë në dorëzimin e deklarimit të pasurisë". Hila jep shembullin i pari dhe pranon këtë neglizhencë. "Brenda dy ditëve do të depozitoj deklaratën pranë institucionit", siguron. ILDKP-ja "shkeli ligjin duke publikuar emrin tim", akuzon, "këtë hap mund ta ndërmarrë vetëm nëse do të refuzoja deklarimin e pasurisë edhe pas njoftimit zyrtar të vënies së gjobës" duke nenvizuar në fund se "ende nuk kam marrë asnjë njoftimin zyrtar", dhe pikerisht per kete ILDKP-ja "do të përballet me mua në dyert e gjykatës”, përfundon deklratën e tij zv/ministri.

HermesNews - ©2014

Dërgo me email | Stampo artikullin