21/04/2014 19:41:10

FinalFour 2014: Sigal Prishtina pretendente për fitimin e eventit

Në prag të eventit FinalFour që do zhvillohet në fundjavë në Prishtinë intervistuam për HermesNews kryetarin e tifo-grupit ''Plisat''

PRISHTINE - Në prag të eventit FinalFour që do zhvillohet në Prishtinë në datat 25 - 27 Prill 2014 intervistuam ekskluzivisht kryetarin e tifo-grupit Plisat në Prishtinë, Albert Kastrati. Ai na informoi për këtë event, si dhe duke dhënë përshtypjet përsonale pse jo dhe për fituesen e mundshme të eventit.

Çfarë është eventi FinalFour ?

Event i cili luajnë 4 ekipet më të forta të Liges Ballkanike të cilët kanë grumbulluar më shumë pikë gjatë sezonit të rregullt.

Sa skuadra marrin pjesë dhe cila skuadra ?

Aty marrin pjesë 4 ekipe – Prishtina, Galil Gilboa, Levski dhe Ballkan

Ekipi më i fortë dhe më i lehtë sipas jush ?

Të gjitha ekipet janë të barabarta.

Mund të pretendoj ekipi vendas Prishtina fitimin e trofeut ?

Pse jo ? Kemi ekip shumë të fortë. Kemi organizimin më të mirë dhe jemi tifozet më të mirë në Ballkan. Mendoj se jemi favoritët kryesor !

Çfarë domëthënie ka për Prishtinen të organizoj këtë event ?

Kjo është ngjarja më e madhe në historinë e sportit të Kosovës. Qyteti jonë do të shndërrohet në një festival sportiv dhe gjithkush në Prishtine po punon që ne si qytetar të tregojmë se jemi të gatshëm jo vetëm për BIBL, por edhe për më shumë. Ne do t’ju tregojmë se dimë të luajmë basketboll, dimë të organizohemi dhe dimë të mirëpresim.

Sa po organizohet edhe tifo-grupi Plisat për këtë event ?

Grupi jonë ekziston nga 1987. Jemi më të organizuarit dhe më i madhi në numer. Jemi të përgaditur për këtë event dhe premtojmë SPEKTAKËL!

Në fund dy fjalë për gjithë tifozat që do marrin pjesë në ndjekje të ketij eventi në Prishtinë ?

Ata që do marrin pjesë kanë me qënë të kënaqur me organizimin edhe atmosferën që kanë për të krijuar Plisat. //HermesNews ©2014//

Arbër Meçenovi

Dërgo me email | Stampo artikullin