21/04/2014 18:22:33

Zjarr në barakë, digjen nënë e bir. Plagoset babai

Apeli i Totozhanit, ''nëse nuk do të kategorizohen komunitet në riskt Romët dhe Egjiptianët, nuk i ndihmojnë dot''

ELBASAN - Ngjarje tragjike ne Elbasan. Nje familje rome eshte shkrumbuar thuajse e tera, pas zjarrit qe perfshihu baraken ku jetonin. Ngjarja ndodhi ne lagjen "Brigada e 17 Sulmuese". Flaket dogjen fëmijën 7 vjeç Kristian Basha dhe nënën e tij, Lumturie Basha ndërsa bashkëshorti i familjes ka marrë plagë dhe ndodhet në spital. Zjarri dyshohet që të ketë përfshirë barakën ku jetonte familja rome rreth orës 23:30 të fundjavës që lamë pas. Baraka eshte djegur ne kohe rekord per shkak te materialit te lehte me te cilen ishte bere baraka, dhe zjarrefikesat nuk kane mundur te mberrijne ne kohe per te shpetuar nene e bir. Zjarrëfikësit mundën të shpëtojnë vetëm kryefamiljarin Edmond Seferi. Trupat e gruas dhe fëmijës së tij janë gjetur të karbonizuar nga flakët e zjarrit. Policia thote se flaket kane qene aksidentale.

Pranë familjes shkoi sot Avokati i popullit Igli Totozhani, "Nëse nuk do të kategorizohen komunitet në riskt Romët dhe Egjiptianët, nuk i ndihmojnë dot bashkitë. Ka nevojë për një ndryshim ligji dhe Avokati i popullit ka dy vjet që kërkon ndyshimin e ligjit për të pastrehët. Duhet të ndryshohet ligji që të zgjidhet kjo situatë, në mënyrë që edhe këta njerëz të përfitojnë një lloj precedence. Qeveria dhe pushteti lokal duhet të dëgjojë, sepse kërkohet një zgjidhje definitive, të ndryshohet legjislacioni edhe për këtë komunitet, me qëllim që të përfitojnë strehim."

HermesNews - ©2014

Dërgo me email | Stampo artikullin