15/04/2014 11:34:29

Shqipëria feston pesë vjetorin e aderimit në NATO

Kodheli, të bashkohemi politikisht dhe për çështje të tjera që prekin shqiptarët

TIRANE - Instituti i Studimeve Ndërkombëtare ka organizuar një konferencë për pesë vjetorin e aderimit të vendit në NATO, konferencë që mblodhi dhe opozitën në një tavolinë. Një mesazh bashkimi politik ka dhënë Ministrja e mbrojtjes Mimi Kodheli. "Klasa politike shqiptare e gjen veten të bashkuar pavarësisht përkatësive partiake. Këtë gjë e dëshmon edhe prania jonë sot në këtë sallë" tha ajo duke shtuar "secili nga ne do të dëshironte shumë që kjo gjë të ndodhte në shumë gjëra të tjera që janë vërtet të rëndësishme për vendin dhe për të ardhmen e qytetarëve shqiptarëve". Shqipëria plotësoi kushtet për anëtarësim, por kjo "ishte jo vetëm fitore e rëndësishme, por përpjekje e rëndësishme e institucioneve", tha kreu i opozites Lulzim Basha.

HermesNews - ©2014

Dërgo me email | Stampo artikullin