14/04/2014 16:32:57

Londër, blerje historike e kinezëve

Rrjeti i supermarketeve House of Fraser, është blerë nga një kompani kineze

LONDËR - Kompania kineze Sanpower ka blerë 480 milion stërlina 89% të zinxhirit të supermarketeve House of Fraser në Britani. Supermarketi ka 165 vjet histori.

"Bëhet fjalë për blerjen më të rëndësishme të kryer nga ndonjë kompani kineze jashtë vendit në sektorin e tregtisë me pakicë", deklaroi në një komunikatë Yuan Yafei, president dhe themelues i kompanisë Sanpower.

House of Fraser ka 60 qendra tregtare në Britaninë e Madhe dhe në Irlandë, por ka edhe një në Abu Dabi. House of Fraser përpiqet të ofrojë me çmime të ulta dhe të përballueshme prodhime marke nga veshjet deri tek mobiljet.

HermesNews - ©2014

Dërgo me email | Stampo artikullin