08/04/2014 18:40:50

Çmim i favorshëm për energjinë

Qeveria po punon për ta kthyer sektorin e energjitikës në faktor zhvillimi dhe për të siguruar energji me çmim të pranueshëm

TIRANE - Ministri i Energjisë dhe Industrisë, Damian Gjiknuri u shpreh të martën, se qeveria po punon për ta kthyer sektorin e energjitikës në faktor zhvillimi dhe për të siguruar energji me çmim të pranueshëm për konksumatorët. I pranishëm në “Tryezën e donatorëve 2014, për sektorin e energjisë në Shqipëri”, që po zhvillon punimet në Tiranë, me pjesëmarrjen e ekspertëve të fushës së energjitikës dhe donatorëve të ndryshëm, Gjatë fjalës së tij, Gjiknuri bëri të ditur se se ka nisur investimi në pjesën e trasmesionit që është i rëndësishme për furnizimin me energji. “Këtë vit do të fillojmë investimet me rrjetin e trasmesionit të Kosovës dhe shpresojmë që vitin e ardhshëm të nisim me Maqedoninë”- tha ministri Gjiknuri. Kreu i energjitikës nënvizoi se, në prioritet të dikasterit që ai drejton është futja e KESH-it, në efiçensë të plotë, ndërsa ka nisur puna për të gjetur mundësinë më të mirë të mundshme për një kosto të energjisë në nivele optimale.

HermesNews - ©2014

Dërgo me email | Stampo artikullin