03/04/2014 21:00:54

PLUMBA POLICISË

Taulant Gjini i shpëton policisë: kërkohej për tentative vrasje dhe trafik droge

SARANDE - Efektivat e policisë janë ndodhur përballë një prite, dje në darkë kur i kërkuari për tentativë vrasje dhe trafik droge, ka qëlluar në drejtim të tyre nga banesa ku jetonte. Ndaj makinës së parë të policisë janë qëlluar në tre drejtime të ndryshme dhe kjo të bën të kuptosh se ai mund të ruhej nga të tjerë, të cilët policia mendon të kenë qenë tre. Plumbat kanë kapur makinën e shefit Kundër trafiqeve dhe narkotikëve të policisë së Sarandës, Orgest Mezini, ndërkohë që pjesë e operacionit të arrestimit ka qenë edhe shefi i Krimeve dhe 6 efektiva të Policisë. Operacioni i arrestimit u krye në hyrje të fshatit Shëndëlli, 1 km larg Butrintit në Sarandë. Sipas informacioneve të para në momentin kur Taulant Gjini ka pikasur automjetet e policisë ka hapur zjarr në drejtim te efektiveve. Fatmirësisht nuk ka pasur të lënduar.

HermesNews - ©2014

Dërgo me email | Stampo artikullin