29/03/2014 19:06:55

Mos vrisni qentë endacakë !

Deklarata e Bashkisë Tiranë ''Bashkëpunimi me Institutin Veterinar ka mundësuar matrikullimin, sterilizimin dhe vaksinimin e qenve të rrugës''

TIRANË - Aktivistet e shoqërisë civile zhvilluan sot protestën e radhës para Bashkisë së Tiranës për mbrojtjen e qenve endacakë. Me pankarta në duar dhe me megafon, drejtues të protestës kërkuan reagimi e institucionit që për t’i larguar nga rruga këto kafshe, zgjedh ti vrasë ato. Sazan Guri ka kërkuar takim me zyrtarët e Bashkisë për t’i dhënë zgjidhje këtij problemi. Më vonë, ka reagur Bashkia e Tiranës e cila shprehet se e njeh ndjeshmërinë dhe shqetësimin e një pjese të rëndësishme të komunitetit për qentë e rrugës. "Kemi marrë masa që ngjarje të tilla të mos ndodhin më. Bashkëpunimi me Institutin Veterinar ka mundësuar matrikullimin, sterilizimin dhe vaksinimin e qenve të rrugës. Kjo është dhe do të vazhdojë të jetë e vetmja metodë që përdoret dhe do të përdoret nga Bashkia e Tiranës, për të adresuar problematikën shqetësuese për jetën dhe sigurinë e banorëve të kryeqytetit", thuhet në deklaratën për mediat.

HermesNews - ©2014

Dërgo me email | Stampo artikullin