25/03/2014 20:34:06

Gati amendamenti për qeverinë. Burg kush vjedh energjinë elektrike

Amendamenti i hartuar ashpërson masat ndëshkuese për ata që vjedhin energji, si për familjarët ashtu edhe për biznesin

TIRANE - Ministria e Industrisë dhe Energjitikës do të dërgojë në qeveri një amendament për të ndryshuar kodin penal, në nenin 137 të tij, i cili ashpërson masat për ata që vjedhin energjine elektrike, si për biznesin ashtu dhe për familjarët.

Burime nga MEI, bënë te ditur se drafti përcakton qartë se vjedhja e energjisë elektrike nuk do të konsiderohet më si kundravajtje penale, por do të quhet krim dhe dënohet me burgim.

Amendamenti i hartuar ashpërson masat ndëshkuese për ata që vjedhin energji, si për familjarët ashtu edhe për biznesin. Për konsumatorët familjarë, të cilët vjedhin energjinë, më shumë se një herë dhe në bashkëpunim dënimi me burg është deri në tre vjet.

Ndërsa, për biznesin ai shkon në 5 vjet. Kjo masë argumentohet me faktin se në këtë rast vjedhja e energjisë ka rrethana edhe më të rënduara, pasi kryhet për qëllime fitmprurëse tregtare dhe jo për nevoja jetike si në rastin e familjarëve.

Paralelisht me dy ndryshimet e mësipërme në ligjin e ri do të konsiderohet krim, i cili dënohet me tre vjet edhe dëmtimi i qëllimshëm i matësave. Ashpërsimi i masave ndëshkuese për vjedhjen e energjisë elektrike vjen në një kohë, kur sistemi energjetik është në një situatë të rënduar financiare.

HermesNews - ©2014

Dërgo me email | Stampo artikullin