23/03/2014 12:50:38

Sekuestrohet gomonia me armë

Burime zyrtare të Drejtorisë së Kufirit dhe Migracionit bënë të ditur se, mjeti lundrues u kap në bregdetin e Hoxharës, 30 km në veriperëndim të Vlorës

VLORE - Policia kufitare e Vlorës bllokoi dhe sekuestroi të dielën, një mjet lundrues tip gomone, që dyshohet se shërbente për trafiqe të paligjshme, ndërkohë që zbuloi në bordin e saj edhe dy armë automatike. Burime zyrtare të Drejtorisë së Kufirit dhe Migracionit bënë të ditur se, mjeti lundrues u kap në bregdetin e Hoxharës, 30 km në veriperëndim të Vlorës, gjatë një operacioni që synonte parandalimin dhe bllokimin e trafiqeve të paligjshme. Sipas policisë, armët automatike u përkasin trafikantëve, të cilët i kanë hedhur ato kur konstatuan praninë e shërbimeve të policisë. Uniformat blu kanë shoqëruar disa persona dhe po vijojnë hetimet.

HermesNews - ©2014

Dërgo me email | Stampo artikullin