06/03/2014 12:46:07

Përplaset minibusi: dy viktima

Në mjetin e aksidentuar udhëtonin 19 persona të shoqatës së pensionistëve, ku konfirmohet se 4 prej tyre ndodhen në gjendje të rëndë shëndetësore, ndërsa të aksidentuarit e tjerë janë jashtë rrezikut për jetën në spitalin e Librazhdit

(16:35) - Policia ka identifikuar dy viktimat e aksidentit të ndodhur mesditën e sotme në aksin rrugor Prrenjas - Qafë Thanë. Burime të Policisë bënë të ditur se viktimat jane Klaudia Nushi, 25 vjeç dhe Atlie Toska, 66 vjeç, që të dyja me banim në qytetin e Tiranës.

Sipas policisë, “në mjetin e aksidentuar udhëtonin 19 persona të shoqatës së pensionistëve, ku konfirmohet se 4 prej tyre ndodhen në gjendje të rëndë shëndetësore, ndërsa të aksidentuarit e tjerë janë jashtë rrezikut për jetën në spitalin e Librazhdit”.

Nga kqyrja paraprake e vendit të ngjarjes policia sqaroi se “drejtuesi i minibusit me iniciale B.K me targa AA 074 AX dyshohet të ketë humbur kontrollin e mjetit duke dalë nga rruga, ku është përplasur me një shtyllë elektrike dhe më pas ka përfunduar në kanal. Mësohet gjithashtu se një mjet tip Ford me targë AA803 CT me drejtues shtetasin F.S, dyshohet të ketë qenë shkaktari i daljes së minibusit nga rruga, pasi dyshohet se ky mjet i ka dalë përpara duke i prerë rrugën.



ELBASAN - Një aksident ka ndodhur në aksin rrugor Librazhd - Përrenjas. Ngjarja ndodhi para disa minutash. Një minubus me pasagjerë është përplasur me një shtyllë elektrike dhe ka dalë nga rruga.

Dy pasagjerë kanë gjetur vdekjen e menjehershme. Katër të tjerë janë në gjëndje të rëndë shëndetsore dhe janë dërguar për kurim në spitalin e Elbasanit. Të plagosurit gjithsej janë dhjetë gjithsej. Nuk dihen shkaqet e aksidentit.

HermesNews - ©2014

Dërgo me email | Stampo artikullin