06/03/2014 09:36:43

Pese pika mbi integrimin

Nga tryeza e parë e Dialogut të Nivelit të Lartë, ku mori pjesë Kryeministri Edi Rama dhe Komisioneri Stefan Fule, u arritën disa përfundime të përbashkëta lidhur me 5 rekomandimet që BE-ja i ka bërë Shqipërisë, para se ajo të marrë statusin e vendit kandidat për në BE

TIRANE - Peter Stano, zëdhënës i Komisionerit për Zgjerim të BEsë, Stefan Fule, foli sot ne lidhje me afatin e caktuar për marrjen e statusit, Stano përkufizon këtë qëndrim zyrtar: "Për statusin e kandidatit, vendet anëtare të BE-së kanë dhënë në dhjetor një perspektivë të qartë për marrjen e tij në qershor, në bazë të vazhdimit të reformave. Pra, shanset për të marrë statusin e kandidatit varen nga performanca e Shqipërisë dhe vendimi i vendeve anëtare të BE-së".

Në këtë kuadër, ministri i Punëve të Jashtme, Ditmir Bushati, do të zhvillojë sot një takim me Komisionerin Fule në ambientet e Ministrisë së Punëve të Jashtme, në orën 09:10.

Dialogu i Nivelit të Lartë mes Shqipërisë dhe BE-së pritet të nisë në orën 10:45 dhe do të zgjasë deri në orën 13:30, në hotel ‘Sheraton’, më pas pritet një konferencë për shtyp e Kryeministrit Edi Rama dhe Komisionerit Stefan Fule.

Nga tryeza e parë e Dialogut të Nivelit të Lartë, ku mori pjesë Kryeministri Edi Rama dhe Komisioneri Stefan Fule, u arritën disa përfundime të përbashkëta lidhur me 5 rekomandimet që BE-ja i ka bërë Shqipërisë, para se ajo të marrë statusin e vendit kandidat për në BE.

Komisioneri për Zgjerimin theksoi 5 pika si më të rëndësishmet. Së pari, përkufizimi i fokusimit kombëtar te integrimi. Së dyti, u konfirmua se gjithëpërfshirja dhe transparenca janë elementë kyç. Së treti, u ra dakord për një plan veprimi. Së katërti, u vlerësua qëllimi i qeverisë për platformën e dialogut kombëtar për integrimin. Së pesti, u ra dakord që të zhvillohen katër 4 takime të tilla deri në fund të këtij viti.

HermesNews - ©2014

Dërgo me email | Stampo artikullin