05/03/2014 17:14:05

Fjala e ditës ''korrupsioni''

Në cilësinë dhe të Koordinatorit Kombëtar për Luftën kundër Korrupsionit, i cili drejton dhe bashkërendon politikat shtetërore kundër korrupsionit, vlerësoi bashkëpunimin me Inspektoratin e Lartë si një nga institucionet kyçe në luftën kundër korrupsionit

TIRANË - Inspektori i Përgjithshëm i Inspektoratit të Lartë të Deklarimit dhe Kontrollit të Pasurive dhe Konfliktit të Interesave, Shkëlqim Ganaj, zhvilloi një takim pune me Ministrin e Shtetit për Çështjet Vendore, Bledar Çuçi.

Çuçi, në cilësinë dhe të Koordinatorit Kombëtar për Luftën kundër Korrupsionit, i cili drejton dhe bashkërendon politikat shtetërore kundër korrupsionit, vlerësoi bashkëpunimin me Inspektoratin e Lartë si një nga institucionet kyçe në luftën kundër korrupsionit dhe i kërkoi Inspektorit të Përgjithshëm intensifikim të raporteve institucionale dhe bashkërendim të polikave anti korrupsion.

Inspektori i Përgjithshëm, nga ana e tij siguroi Ministrin e Shtetit për Çështjet Vendore për thellimin e frymës së bashkëpunimit institucional si dhe theksoi “Jemi të vetëdijshëm për rolin thelbësor që ka Inspektorati i Lartë i Deklarimit dhe Kontrollit të Pasurive e Konfliktit të Interesave, jo vetëm në hartimin e politikave kundër korrupsionit, por ajo që është më e rëndësishmja, zbatimin efikas të tyre dhe çuarjen më tej të luftës kundër korrupsionit në nivel kombëtar.”

Në takim një vend me rëndësi pati dhe bashkërëndimi i sfidave dhe prioriteteve institucionale në procesin e hartimit të Strategjisë Kombëtare kundër Korrupsionit 2014 – 2017.

HermesNews - ©2014

Dërgo me email | Stampo artikullin