03/03/2014 19:08:27

SHISH shkeli ligjin me përgjimet ?

Braho, ''nëse përgjimet janë bërë në kundërshtim me rregullat që përcakton ligji i veprimtarisë së SHISH-it do të merren masa drastike''

TIRANE - Kryetari i komisionit parlamentar të sigurisë kombëtare, Spartak Braho, ka deklaruar se nuk është në dijeni që të jetë vënë në përgjim nga SHISH-i, ashtu siç raportonin ditët e fundit disa media. I pyetur nga gazetarët në lidhje me këtë lajm Braho u shpreh se do të ketë masa ligjore në rast se këto lajme do të vërtetohen. “Nuk di gjë që SHISH-i ka urdhër për përgjime”, tha z. Braho. “Nëse përgjimet janë bërë në kundërshtim me rregullat që përcakton ligji i veprimtarisë së SHISH-it do të merren masa drastike, sepse është shkelur rëndë ligji”, theksoi Kryetari i Komisionit të Sigurisë Kombëtare.Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin