06/02/2014 12:40:00

''Tritoli'', vijojnë kërkimet për dy kushërinjtë

Genis dhe Andon Mëhillaj u arratisen pas arrestimit të Sinanaj

TIRANË - Policia vijon kërkimet për arrestimin e dy kushërinjve, Genis dhe Andon Mëhillaj, të dyshuar si pjesë e "grupit të tritolit". Ata janë shpallur në kërkim pas dëshmisë së Julian Sinanaj, i akuzuar si vrases me pagesë, i cili pohoi përpara oficerëve të policisë gjyqësore, se kishte ne plan eliminimin fizik të bashkëpunëtorëve të tij, pasi sikurse ka deklauar Sinanaj, kushërinjtë Mëhillaj i kishin dalë nga fjala.

Genis Mëhillaj dhe Andon Mëhillaj, me banim në lagjen 28 Nëntori në Vlorë, janë larguar që në momentin kur u arrestua Sinanaj, duke "braktisur" familjet e tyre.

Identifikimi i tyre, si ndërmjetës mes porositësve të krimeve me pagesë dhe ekzekutorit Sinanaj e ka shtyrë policinë të mbajë në vëzhgim familjarët e dy të super-kërkuarve për momentin.

Sakaq për kapjen e kushërinjeve Mëhillaj, policia ka ofruar dhe një shpërblim me 10 mijë euro për cilindo që jep informacion të vlefshëm për vendodhjen e tyre. Efektivët e policisë po vëzhgojnë banesat e dy kushërinjve edhe për të shmangur ndonjë incident. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin