04/02/2014 19:28:29

Ulje të normave të interesit në Lekë

Në kushtet kur bankat nuk kanë ku të investojnë, ato janë më të prirura të ofrojnë norma interesi të ulta

TIRANE - Bankat parashikojnë të ulin normat e interesit për kredinë në lekë, ndërsa nuk pritet të ketë ndryshime të ndjeshme në interesat për kredinë në valutë. Ekspertët vërejnë se një nga arsyet është rënia e kërkesës për kredi nga bizneset, e cila mbetet ende e dobët edhe në tremujorin e fundit të vitit 2013. Ndërsa në kushtet kur bankat nuk kanë ku të investojnë, ato janë më të prirura të ofrojnë norma interesi të ulta. Sipas tyre, liberalizimi i politikës monetare nga Banka Qëndrore po stimulon bankat që të ulin normën e interesit të kredive, faktor që lidhet pozitivisht me rritjen ekonomike të vendit dhe zhvillimin e biznesit. Duke e vlerësuar pritshmërinë e bankave për të ulur normat e interesit për kreditë në lekë, ekspertët shprehen se “ky veprim do të ishte i rëndësishëm për vetë bankat, për arsye se bankat kanë pasur një rritje të portofolit të kredive problematike. Një ulje e normës së interesit do të ndikonte edhe në tregun ndërbankar, në huadhënien e parave në tregun ndërbankar. Pra do të ulte koston e marrjes së parasë nga vetë sistemi bankar”. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin