03/02/2014 09:53:57

Gati fatura financiare e minatorëve: do të ulet mosha për në pension

Lajmi i mirë për Bulqizën: shkollë profesionale dhe pension më herët për minatorët

TIRANE - Në takimin e tij me minatorët e Bulqizës, Ministri i Mirëqenies Sociale dhe Rinisë, Erion Veliaj, ka përsëritur edhe njëherë vullnetin e qeverisë për të ulur moshën e pensionit për ta. Sipas Veliaj, tashmë është ngritur grupi i punës që do të llogarisë faturën financiare të këtij operacioni dhe kërkoi nga KSSH dhe Shoqata e Minierave një studim për të gjitha minierat.

"Kjo minierë ka qenë burim i lajmeve të këqija për një kohë të gjatë, por sot duam të japim një lajm të mirë sepse është punëdhënësi më i madh në Bulqizë, rreth 600 qytetarë. Më vjen mirë që jemi në një mendje për uljen e moshës së pensionit. Por, një tjetër lajm i mirë për Bulqizën është se kemi vendosur të hapim shkollën profesionale të minierës", u shpreh ministry Veliaj.

Ministria e Mirëqenies Sociale dhe Rinisë ka një plan konkret të përpunuar edhe nga Shoqata e Minierave dhe KSSH, që kjo shkollë profesionale të hapet në një nga katet e gjimnazit të Bulqizës. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin