02/02/2014 12:51:11

Arestohet Agron Picaku: strehoi Ilir Kupan

Ilir Kupa akuzohet për armëmbajtje pa leje, nga drejtësia shqiptare, ndërsa pritet ekstradimi për në Greqi

LEZHE - 37 vjeçari Agron Picaku është ndaluar sot nga policia, pasi akuzohet se ka ndihmuar për të strehuar Ilir Kupan. Picaku kishte njohur në burg Ilir Kupën pasi kishte një javë që kishte ardhur nga Greqia. Disa ditë më parë, Kupa refuzoi ekstradimin në tokën helene. "Kërkoj më mirë paravrasje nga drejtësia shqiptare që të jenë të kënaqur dhe shokët e mi që janë vrarë mbrapa kurrizit, që janë masakruar nga 300 plumba në trup secili. Në Greqi nuk do shkoj, vetëm i vdekur", deklaroi disa ditë më parë në sallën e gjyqit Ilir Kupa. Pikëpyetje e madhe mbetet ekstradimi i tij në tokën helene, ku autoritet greke kanë nisur procedurat. Avokati Lazër Sokoli tha se Kupa, "nuk ka kryer asnjë krim në shtetin shqiptar. Këto armë, i ka mbajtur vetëm për t’u ruajtur dhe për të mbrojtur veten e vet përballë forcave speciale greke". Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin