30/01/2014 10:46:34

Julian Sinanaj rrëfehet. Mori urdhër nga një anëtar partie

42-vjeçari ka pranuar se ka kryer 27 vrasje në 3 shtete, në Shqipëri, Greqi dhe Itali

(12:00) "Kam bërë 27 vrasje në Shqipëri, Itali dhe në Greqi, ku kam jetuar që 14 vjeç. Kam marrë pjesë në shpërthimet në gjykatën e Selanikut në maj të 2010-ës, në zbatim të urdhërit që më dha anëtari i një partie politike". Deklarata e tij u publikua sot nga e përditshmja To Vima.

Sinanaj, ka deklaruar se ka vrarë dy persona më 1 korrik të vitit 2011, jashtë restorantit Mamacas në Gazi në tokën helene.

Sinanaj ka jetuar me familjen në Greqi që nga viti 1997, kur ishte 15 vjeç dhe e ka filluar veprimtarinë e tij kriminale dhe vrasjet me kontratë, që kur ishte ende i mitur.

Oficerët e lartë të Policisë së Greqisë, kanë deklaruar se në qoftë se këto dëshmi konfirmohen qoftë dhe pjesërisht, do të kemi surpriza dhe zhvillime të mëdha.



















(11:20) Publikohen pamjet e kamerave të sigurisë së aeroportit "Nënë Tereza", ku tregohet arrestimi i Marion Mitros. Policia tha se se Mitro është porositësi i lëndës eksplozive të vendosur në makinën e prefektit të Vlorës, dt 13 dhjetor 2013 dhe që u zbulua në hyrje të godinës së Kryeministrisë.

42-vjeçari ishte nyje lidhëse mes biznesmenëve dhe vrasësit Julian Sinanaj. Ai ishte një nga vartësit e kryebashkiakut Shpëtim Gjika.

Ai e ka punësuar si inspektor në Inspektoratin Ndërtimor Urbanistik Vendor të bashkisë Vlorë. Mitro ka qëndruar në marrëdhënie pune në bashkinë e Vlorës, deri para 6 muaj dhe më pas është larguar, për arsye ende të paqarta.



TIRANE - Julian Sinanaj ka ekzekutuar dy persona në Vlorë dhe është përgjegjës për vendosjen e lëndës plasëse në banesën e Ardian Kollozit dhe makinën e Prefektit të Vlorës, Besnik Dervishi. Ai akuzohet për 20 vrasje jashtë Shqipërisë, Greqi. I riu akuzohet si pjesë e një grupi terrorist, i përfshirë në shumë krime dhe ngjarje kriminale ne disa qytete. Grupi i përfshirë në ngjarje kriminale në disa qytete.

Policia ka zhvilluar hetime të gjithanshme mbi persona të dyshuar si vrasës me pagesë dhe ka zbardhur zinxhirin, nga porositësi te ndërmjetësit e deri te ekzekutorët e vrasjeve qoftë me armë qoftë me eksploziv.

Një grup i mireorganizuar dyshohet të jetë përfshirë në një sërë ngjarjesh të rënda të ndodhura në qytetet e Tiranës, Durrësit dhe Vlorës, në një hark kohor prej rreth 2 vjetësh.

Si rrjedhim i një operacioni të gjerë policor, pas hetimeve intensive Drejtoria e Policisë Tiranë në bashkëpunim me Drejtorinë e Policisë së Qarkut Durrës, Departamentin për Krimin të Organizuar dhe Krimet e Rënda në Drejtorinë e Përgjithshme të Policisë dhe Prokurorinë për Krime të Rënda Tiranë e Prokurorinë e Rrethit Gjyqësor Vlorë bëri të mundur dokumentimin ligjor të aktivitetit kriminal të shtetasve:

Julian Sinanaj, 31 vjeç, lindur në Elbasan dhe banues në Vlorë, i pa dënuar më parë. N.Gj, 30 vjeç, lindur dhe banues në Vlorë, i padënuar më parë. Genis Bardhyl Mëhillaj, 43 vjeç, lindur dhe banues në Vlorë, i pa dënuar më parë. Andon (Erion) Ismet Mëhillaj, 39 vjeç, lindur dhe banues në Vlorë, i pa dënuar më parë. Marion Mitro, 42 vjeç, lindur dhe banues në Vlorë, i pa dënuar më parë.
















Policia ka mundur të arrestojë shtetasit J.S, N.GJ dhe Marion Mitro dhe njëkohësisht të parandalojë vrasjen e një biznesmeni.

Policia ka mundur të arrestojë sot paradite në aeroportin "Nënë Tereza", shtetasin Marion Mitro, teksa tentonte të largohej jashtë vendit.

Ai mendohet se është porositësi i lëndës eksplozive që u vendos në automjetin e Prefektit të Vlorës.

Genis Mëhillaj dhe Andon (Erion) Mëhillaj janë shpallur në kërkim, pasi

Gjykata e Shkallës së Parë për Krime të Rënda ka vendosur ndaj tyre masën e sigurisë arrest me burg për veprat penale "Vepra me qëllime terroriste".

Marjon Mitro mësohet se aktualisht kryente detyrën e inspektorit të Inspektoratit Ndërtimor Vendor në qytetin e Vlorës, ndërsa ka edhe një biznes të tij, bar kafe dhe restorant, në zonën e Ujit të Ftohtë.

Autorët e dyshuar të një sërë ngjarjesh të rënda kriminale, si: Vrasja e shtetasit Sokol Veizi, më datë 26 gusht 2012 në Orikum të Vlorës; Vrasja e shtetasit Agron Çela, në datë 20 gusht 2013 në Vlorë. Vendosje e lëndës plasëse në banesën e shtetasit Ardian Kollozi, më datë 1 qershor 2013 në Vlorë. Vendosje e lëndës plasëse në automjetin e Prefektit të Vlorës Besnik Dervishi, në datë 13 dhjetor 2013 në Tiranë. Vendosje e lëndës eksplozive në motoçikletën e shtetasit E.B. në rrugën Transballkanike në Vlorë më datë 24 tetor 2013. Vendosje e lëndës eksplozive në automjetin e shtetasin E.B. në Vlorë në datë 31 gusht 2013.

Gjithçka nisi me arrestimin e J.S, 30 vjeç nga Vlora, i mbajtur nën vëzhgim nga policia, si autor i mundshëm i disa veprave të rënda penale dhe person më rrezikshmëri të lartë. Ai kishte njohuri të posaçme në prodhimin dhe vendosjen e eksplozivave të telekomanduar.

Ky person përveç aktivitetit kriminal në vendin tonë, dyshohet se është autor i mbi 20 vrasjeve me pagesë si dhe veprave të tjera penale të rënda në shtetin grek.

Në banesën që jetonte me qera J.S. në Tiranë u sekuestrua një arsenal i tërë armësh dhe lëndësh plasëse me telekomandat përkatëse:

1.Një Armë zjarri Pistoletë e markës CERVENA ZASTAVA me 15 copë fishekë;

2.Një Armë zjarri pistolete me dy krëhëra më 15 copë fishekë;

3.Një Armë zjarri Scorpions, zhurmë zbutës(silensiatorë;

4.Një armë zjarri pushkë automatike Mod 63 "Snaiper";

5.Kallepe eksplozivi te dyshuar si Tritol;

6.347 cope fishekë arme zjarri të kalibrave të ndryshëm;

7.Granata dore mbrojtese copë 3;

8.Lëndë plasëse e dyshuar si C4;

9.Kapsolla elektrike detonatore copë 8;

10.Ndezes detonator per granata dore copë 3;

11.Pajisje adaptor për aktivizim nga distanca të lëndëve shpërthyese;

12.14 cope aparat telefonik celulare të markave të ndryshme;

13.Bateri telefonash celulare te markave te ndryshme copë 9;

14.Aparat fotografik i markës CANON me fotografi të personave të ndryshëm;

15.Tablet elektronik i markës SAMSUNG me pamje filmike;

16.6 copë karta memorie;

17.Targa automjeti AR 003JT, kapuc deveje, doreza për punime te ndryshme;

18.Tel përcjellës me ngjyrë të kuqe dhe të verdhë, shirita ngjitës, kaçavida të ndryshme për punime të imëta, çelësa të ndryshëm, gërshërë me dorezë plastike pajisje elektrike INVERTER, bateri 12 volt;

19.Një Jelek antiplumb, veshje të ndryshme, doreza ebaniti për armë zjarri pistoletë, doreza të gomuara;

20.Mbajtëse copë 8 kartë telefonike të kompanive të ndryshme telefonike, spina karikues, fisha dhe pajisje Bluetooth;

21.Pasaportë dhe dokumenta në gjuhën greke në emër të J.S.;

22.Libreza dhe fatura për transferta bankare ne emër të këtij shtetasi;

23.Lekë Shqipetare në shumën 52000 lekë të reja;

Prefekti i Vlorës, Besnik Dervishi, në lidhje me arrestimin e Marjon Mitros, si personi i dyshuar që i ka vënë lëndën eksplozive C4 në makinën e tij.

"Në Vlorë, e njohin se i kujt klani i përket dhe i shërben. Kam pasur besim tek policia dhe shteti në tërësi. Kam besim se kësaj çështjeje do t’i shkohet deri në fund. Kjo ngjarje dëshmoi se, krimi i organizuar mund të prekë edhe nivele të larta". Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin