22/01/2014 18:58:02

Familjaret paguajne ujin, shteti jo. Kjo do të ndryshojë shumë shpejt

Reforma dhe projekte. Impiante të reja për përpunimin e ujërave të zeza. Për konsumatorin në horizont çmim më të ulët të faturave të ujit dhe cilësi më e mirë

HermesNews - Aktualisht arkëtohet 76 përqind e ujit në zonën e nënshkodrës dhe të mbishkodrës. Familjarët i paguajnë me shumë faturat e ujit të pijshëm, pastaj nëse këtë duam ta krahasojmë me entet shtetërore, më mirë të mos e prekim këtë tast.

Lajmi vjen nga Drejtori i ndërrmarrjes së ujësjellëskanalizimeve Shkodër-Malësi e Madhe Flauers Shoshi, gjatë një interviste për HermesNews. Ai tha se një mënyrë për të rritur faturatin ka qenë në disa raste dhe task-force, plus fushatave të ndërgjegjësimit të njerëzve për pagesat e ujit të pijshëm.

Shteti sot ka një problem. Ndërrmarrjet shtetërore kanë një faturim të pakët, diku tek 30 përqind. Kjo duhet të zgjidhet dhe një rol jo indiferent mund të ketë rajonalizimi i fundit që është bërë dhe për ujësjellesin i cili është kthyer në një drejtori rajonale fshat-shkodër me Malësinë e Madhe, pas reformës territoriale që ka bërë qeveria, për uljen e numrit të njësive vendore dhe drejtorive rajonale të ujësjellësit nga 54 në 12.

Cila është risia ?
Risia është bashkimi i dy sistemeve ai me ngritje - mekenanike (sistem pompash) dhe ai me gravitet (vetërrjedhje).

Çfarë përfitojnë konsumatorët nga kjo ?
Benefitet që përfitojnë nga ky bashkim janë ulja e ndjeshme e konsumit të energjisë elektrike të sistemit të pompimit dhe përmirësim të furnizimit me ujë.

Do të ketë ndikim në çmimin që paguajnë qytetarët për ujin ?
Konsumatori përfiton ulje të çmimit të ujit, shtim të sasisë së ujit dhe kohëzgjatjes së orarit të ujit.

Sa është niveli i arkëtimeve nga ana e enteve publike ?
Diku tek 30%. Entet nuk paguajnë. Ata që duhet të jenë të parët që duhet t'i besojnë shtetit nuk paguajnë. Prandaj do të bëhet sistemi elektronik që është marrë përsipër nga qeveria austriake dhe zviceriane dhe çdo gjë do t’i dërgohet online qeverisë dhe institucioneve si dega e tatim taksave dhe kontrollet nga shteti.

Cilat janë problemet me të cilat haset ujësjellësi në Shkodër ?
Lidhjet e paligjshme, shpërdorimi i ujit, dhe defektet nga amortizimi i rrjetit mbi 30 vjeçar.

Cilat janë prioritet e punës ?
Riorganizimi i strukturave drejtuese dhe ndërprerjea e lidhjeve të jashtëligjshme.

A kontrollohet cilësia e ujit ?
Cilësia e ujit kontrollohet nga shteti çdo ditë dhe uji ka cilësi të mirë.

Po humbjet ?
Nuk kontrollohen. Vetëm 50% e humbjeve kontrollohen.

Çfarë projektesh ka në dorë aktualisht ndërrmarrja e ujësjellesit ?
Më lejo të përmend një projekt shumë të rëndësishëm siç është ai me 98 milion Lekë. Bëhet fjalë, sic e përmenda, me bashkimin e sistemit të gravitetit dhe mekanikës plus dhe impianti i trajtimit të ujërave të zeza, i cili mbaron në Mars të këtij viti në zonën e Velipojës.

Çfarë do të thotë kjo për banorët ?
Do të thotë që të gjitha ndërtimet e Velipojës që janë bërë tek plazhi, do të hiqen nga gropat septike dhe do të hynë në funksionim impianti i trajtimit të ujërave të zeza. Kjo bën të mundur, mosndotjen e shtresave të rërës së plazhit dhe të detit dhe përmires të cilësisë së ujit nëntokësor. Na ndiqni dhe në Facebook dhe Twitter

Doriana Metollari

Dërgo me email | Stampo artikullin