22/01/2014 09:03:30

U kam kënduar të dashurave të shokëve të mi

Intervistë me këngëtarin e muzikës popullore Bujar Qamili

HermesNews - Bujar Qamili, është shumë korrekt kur lë një takim dhe unë atë ditë për dreq pata të papritura rrugës. Bujari kishte marrë në dorë një gotë verë për të thyer pritjen. "Po ku je maj vajzë….," tha sapo u shfaqa në derë.
E kisha shkelur : 15 minuta pritje për kengëtarin e qytetarisë shkodrane.
“Çdo bësh sot Bujar?” “Do dal me shokët, takohemi e hamë diçka jashtë”, tha. “Të kërkojnë shpesh të këndosh nëpër lokale ku je ?” e pyes. “Po,” thotë. “Sa kohë mbetet për t’ia kushtuar famijes”, e pyes. “Zakonisht shume, shto dhe kohën kur shkojmë me pushime në Spanjë. Në katër vitet e fundit pushimet i kam bërë në Ibiza dhe Tenerife”, tha.Bujar Qamili, ka jetuar gjatë gjithë kohës në Shkodër. Ai ka shtëpi në Velipojë dhe Tiranë, por Shkodra për të është shtëpia, miqësia, shoqëria, rehatia, pra jeta e vet.

Çfarë duan shkodranët Bujar ?
Për të të patur mundësi të të ndjekin, duhet të kenë punë. Shkodrës i mungon puna. Qejfin shkodranët e kanë. Një rrëfren i imi, thotë, gjithmonë “ne gëzime unë ju ardhshma, qejfi bahet me shkodranë aromë shkodre moj ta marrsha me erën tande kënaq dynjanë”. Kënaqësia është në Shkodër, por ka mungesë lekësh ky qytet.

Mungesë lekësh apo apo investime të gabuara ?
Çdo person investon në bazë të asaj, që ka mundësi.

Ke mendur të hapësh dhe ti ndonjë biznes ?
Jo… me janë ofruar por jo, nuk kam dashur. Unë nuk dua të humb emrin. Eshtë një emër që unë e kam vënë për 35 vite në skenë dhe e ruaj fort. Njeriu ka shumë peripeci. Ka gjenë që të mërzisin, kam kaluar dhe unë probleme. Uroj të që mos vijnë më. Në përgjithsi jeta e një artisti është e mbushur plot me surpriza, e gëzime, emocione. Kam kaluar emocione jashtëkonisht të mëdha. Duke filluar nga muaji Shtator 2012 - Prill 2013 ku për herë të tretë u ngjita në skenën e pallatit të kongreseve në Tiranë në një koncert recital.

Sa koncerte keni dhënë deri tani ?
Gjashtë. Koncertin e fundit e kam menaxhuar vetë. Morën vetë gjithsej 38 vete, nga artiste, valltare etj.

Vargu i preferuar ?
Sa mall kam për ty o Shkodër.

Vetëm për Shkodrën ? Kur ke rënë në dashuri për herë të parë ?
18 vjec.

I ke kënduar live të dashurës ?
Live nuk i kam kënduar askujt, por ka pas raste që shokët më kanë sugjeru tekste këngësh. Unë I kam kënduar të dashurave të shokëve të mi.

Nëse nuk do të ishe bërë këngëtar çfarë do të ishe berë ?
Futbollist.

Nëse nuk do të ishte në Shkodër ku tjetër ?
Itali, sepse është shumë bukur. Italianët më pëlqejnë në komunikim, sidomos sjellje me femrat.

Çfarë veçorish ka femra jote ideale ?
Të dashurojë me shpirt dhe jo të përfitojë nga bukuria. Të mos e shfrytezojë bukurinë për interesa. Nuk ka gjë më të mirë për një mashkull kur pi një kafe, me një shoqe dhe sheh që është femër inteligjente, di të bëjë muhabet. Të ketë njohuri. Kam pas dëshirë që femra që të mos nevrikoset, sidomos për një femër të bukur, I ik bukuria. Nuk kam qenë xheloz, kurrë, duhet të vishet bukur dhe pse e kalon pak kufirin kur i shkon. Ka dhe prej atyre që nuk janë të bukura dhe vishen bukur.

Ke projekte Bujar ?
Po përgatis në Shkodër një concert me këngë qytetare shkodrane të traditës dhe kënge të propozuara, pra të reja. Një festival në Teatrin “Migjeni” me kompozitorët më të spikatur, njerëz që marrin vesh nga arti, pa hatërmbetje.

Pse ka hatërmbetje Bujar mes artistëve ?
(qesh) ka.

Mesazhi në fund ?
Fansat e mi unë nuk do t’i zhgënjej kurrë. Unë do t’i dhuroj këngë sa më të bukura.

Këngëtarëve të rinj ?
Me gjithë zemër dhe sinqeritet, nëse doni të bëheni këngëtarë, shërbejini qytetit, vendit, filloni karrierën me këngë qytetare shkodrane. Nëse e filloni karrierën me këto, do të bëheni dikushi, por po e filluat me huazime, orientalizma, do të mbeteni për një periudhë të shkurtër në treg, por pastaj nuk do të jeni më akund. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin