20/01/2014 09:15:09

Lëkundje tërmeti 4 ballë në bregdet

Durrësi dhe rrethinat u tronditën nga disa lëkundje të njëpasnjëshme tërmeti me epiqendër në verilindje të qytetit

DURRËS - Në orët e para të ditës janë ndjerë lëkundje të forta tërmeti në Durrës, Tiranë, Kavajë dhe Krujë, të cilat kanë shkaktuar frikë, veçanërisht te banorët e pallateve shumëkatëshe.

Nuk ka patur dëme të shkaktuara nga 22 lëkundje sizmike (2.6 - 4.2 ballë të shkallës Rihter), epiqendër 8 km larg Durrësit dhe detin Adriatik.

Tërmeti i parë është regjistruar në Durrës në orën 07:00 të mëngjesit, me magnitudë 4.2 ballë i shkallës Rihter, ndërsa është pasuar nga një tjetër goditje me të njëjtin intensitet. Më pas janë regjistruar 22 lëkundje të lehta, që janë ndjerë në Durrës, Tiranë, Kavajë dhe Krujë.

Ky i fundit për nga fuqia ishte edhe më i rëndi, raportojnë banorët. Nga të dhënat e para mësohet se epiqendra e tërmetit me magnitudë rreth 4 ballë ndodhej në verilindje të qytetit bregdetar. Zona bregdetare e vendit tonë shquhet për aktivitetin e dendur sizmik. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin