17/01/2014 15:28:29

Gjepali: 30 veta në polici. Tahiri sot në Rrogozhinë

Policia nderton ngjarjen e djeshme

DURRES - Tridhjetë persona u shoqëruan në polici pas vrasjes së djeshme të Astrit Gjepalit dhe kunatit të tij Halit Fici. Mes të dyshuarve janë dhe persona me precedentë penalë, ndërsa policia e Durrësit ka sekuestruar dhe disa kaseta filmimesh. Policia pasi ndërtoi ngjarjen tha se, vrasësit e kanë ndjekur Gjepalin nga qyteti i Durrësit dhe e kanë organizuar që ta qëllojnë te Bishti i Zhurit. Nga hetimet dyshohet se atentatorët kanë qenë tre persona dhe të tre me maska ngjyrë gri. Gjepali ishte nisur për në burgun e Peqinit pas 7 ditësh leje. Atij i kishin mbetur nga përfundimi i dënimit edhe pak më shumë se 6 vite burg. Ministri i Brendshëm, Saimir Tahiri, tha sot nga qyteti i Durrësit, se "çështja po hetohet intensivisht dhe po punohet për kapjen e autorëve të vrasjes". Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin