11/01/2014 10:56:39

40 milionë Ton naftë të pashfrytëzuara në Shqipëri

Surpriza: Patos - Marinza, burimi më i madh natyror i naftës në Europë

TIRANE - Shqipëria ka rezerva nafte deri në 400 milionë ton dhe prej tyre 40 milionë tonë janë të pashfrytëzuara. Sipas Open Data, Patos - Marinza është zona kryesore e naftës në vend. Aty prodhohen 7.7 milionë fuçi naftë në vit dhe kjo hapësirë prej 44 mijë ha është burimi më i madh natyror i naftës në të gjithë Europën.

Eksportet e naftës vendase drejt tregjeve të huaja në fund të vitit 2012 arritën në 56.7 miliardë lekë.

Në raport me një vit më parë, eksportet janë rritur 36%, ndërsa kundrejt vitit 2005 ato kanë regjistruar një rritje prej 2880%.

Të njëjtën ecuri pozitive kanë regjistruar eksportet në sasi, duke shënuar 1 milionë ton në fund të vitit 2012. Në raport me një vit më parë ato janë rritur 36.3%. ndërsa kundrejt vitit 2005 rritja është 1193%.

Në 10-muajt e parë të vitit 2013, sipas Drejtorisë së Përgjithshme të Doganave, ecuria e eksporteve të naftës ka vijuar të jetë pozitive duke u rritur në nivelet e një viti më parë.

Eksportet e naftës shqiptare janë 2.4 herë më të larta se sasia e karburanteve që Shqipëria importon në vend për t’u përdorur në konsumin vendas. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin