08/01/2014 21:28:03

Online për të njohur gjobat

Nga mëngjesi i të hënës (6 Janar 2014) të gjithë punonjësit e Policisë rrugore nuk do të mund të vendosin gjoba pa praninë e drejtuesve të mjeteve

TIRANË - Policia e Shtetit, seksioni i qarkullimit rrugor kujton të gjithë drejtuesit e mjeteve se kanë mundësi të njihen nëpërmjet internetit ose duke u interesuar pranë zyrës së informacionit pranë drejtorive rajonale të qarkullimit rrugor, nëse kanë ose jo masë administrative ndaj tyre

Burime zyrtare të Policisë së Shtetit bën të ditur se kjo kujtesë vjen pas ngrehinës së diskutimeve të jetësuara ditët e fundit në vendin tonë, lidhur me masat e administrative të vendosura nga Policia Rrugore për drejtuesit e mjeteve që shkelin rregullat e qarkullimit rrugor.

Ky debat ka në thelb të tij problematikën e shfaqur nga ana e drejtuesve të mjeteve në sportelet e ankesave mbi modalitet e vendosjes së masave administrative, pasi sipas tyre, pra drejtuesve, gjobat janë vendosur pa praninë dhe dijenin e tyre dhe për rrjedhoi drejtuesve të mjeteve i duhet të paguajnë edhe kamat vonesat apo të bllokohen në pikat e kalimit kufitar pasi rezultojnë me gjoba të papaguara, çka krijon stres dhe vonesa në pikat kufitare.

Nga mëngjesi i të hënës (6 Janar 2014) të gjithë punonjësit e Policisë rrugore nuk do të mund të vendosin gjoba pa praninë e drejtuesve të mjeteve, përveçse në rastet kur mjeti do të jetë parkuar në kundërshtim me rregullat e qarkullimit rrugor.

Vendimi i marrë nga Drejtoria e Qarkullimit Rrugor në Policinë e Shtetit mësohet se ka ardhur për shkak të ankesave të shumta të depozituara në zyrën e ankesave pranë drejtorive rajonale të qarkullimit rrugor.

Punonjësit e Policisë Rrugore ndalohen të vendosin gjoba kur automjeti është në lëvizje apo pa u ndaluar drejtuesi, në mënyrë që të vihet në dijeni për shkeljen që ka kryer dhe arsyen pse po ndëshkohet.

Sipas këtij urdhri, vetëm parkimi i gabuar i mjetit bën përjashtim për vendosjen e gjobës në mungesë, pasi në këtë rast drejtuesi i mjetit ka mundësi të shohë fletën e gjobës të vendosur në xhamin e automjetit, nënkuptohet se ai është vënë në dijeni për të, gjithashtu edhe për shkeljen e kryer. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin