08/01/2014 17:40:07

12.7 % rritet papunësia në Itali

Norma e papunësisë në radhët e të rinjve është rritur në 41,6 për qind

ROME - Norma e papunësisë përgjatë muajit Nëntor, në Itali, ka arritur në 12,7 për qind, shifër në rritje krahasuar me muajin pararendës, kur kjo normë është regjistruar në nivelin 12,5 për qind, bëri të ditur sot, ISTAT, përmes një raporti bazuar në të dhëna paraprake. Ndërkohë që, krahasuar me nëntorin e vitit 2012, është regjistruar një rritje e papunësisë prej 1,4 pikë në pikëpërqindje. Norma e papunësisë në radhët e të rinjve është rritur në 41,6 për qind, me regjistrimin e një shtese prej 0,2 pikë në pikëpërqindje krahasuar me muajin tetor, shifër në rritje nga 41,4 për qind që ishte më parë. Po ashtu është rritur me 4 pikë më shumë në pikëpërqindje krahasuar me nëntorin e vitit 2012, sipas një raporti të bazuar në të dhëna paraprake, theksonte ISTAT që shtonte se ”ky ishte niveli më i lartë i kësaj kategorie që nga fillimi i mbajtjes së të dhënave në vitin 1977”./

HermesNews - ©2014

Dërgo me email | Stampo artikullin