06/01/2014 15:58:15

Vritet Myrdar Binjaku pas një grindjeje mes grupit

Plagosen dy të afërm të viktimës. Policia në kërkim të autorit që qëlloi me automatik

(16:05) Policia bën publik emrin e viktimës së ngjarjes që ndodhi në Vlorë dhe dy të lënduarit që janë të afërm të tij. Myrdar Binjaku, 30 vjeç, është personi që humbi jetën për shkak të plagëve të shumta, pak pasi u transportua në spitalin e qytetit. Të lënduarit, Kledian Binjaku dhe Reshat Muskaj, të afërm me viktimën, ndodhen nën kujdesin e mjekëve. Sipas policisë të tre janë grindur me një person tjetër, ende i paidentifikuar, i cili më pas ka qëlluar drejt tyre me një armë automatike.

VLORE - Një grindje që ka përfunduar në një luftë me armë zjarri. Një i vdekur dhe dy të plagosur është bilanci i saj. Ngjarja ka ndodhur pak minuta më parë në zonën e bregdetit të Ujit të Ftohtë në Vlorë. Sipas policisë ngjarja ka ndodhur pas një grindjeje banale mes një grupi, por që është shndërruar në përplasje me armë mes tyre. Pritet që policia të japë së shpejti detaje të tjera të kësaj ngjarjeje. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin