06/01/2014 12:36:18

'Gropa' diplomatike. A do të mbyllen tre ambasada ?

Gjatë muajit Dhjetor Ministri i Punëve të Jashtme, Ditmir Bushati, paralajmëroi mbylljen e disa selive diplomatike në kushtet kur ato nuk janë efektive dhe ju duhet të përballen me vështirësi financiare

TIRANË - Tre ambasadat e përfolura se do të mbyllen për mungesë fondesh dhe joefiçensë mund të përgënjështrohen nga Ministria e Punëve të Jashtme në një deklaratë për shtyp. Bëhet fjalë për ambasadat në Bosnje - Hercegovinë, Mal i Zi dhe Kroaci. Mediat shqiptare thanë sot se, këto 3 ambasada për momentin, konsiderohen të falimentuara për mundësinë që ato kanë për të funksionuar, pasi buxheti që Ministria e Jashtme ka akorduar për to nuk i kalon të €400 mijë. Ambasadori i Shqipërisë në Kroaci është Pëllumb Qazimi, ish-Shef i Shtabit të Përgjithshëm të Forcave të Armatosura. Ambasador në Malin e Zi është Tonin Beci. Ndërsa ambassadori në Bosnje-hercegovinë është Flamur Gashi. Ministri Bushati kishte folur për një rialokim dhe shkurtim të prezencës në stafet e ambasadave nëpër vende të ndryshme, për shkak të "gropës së madhe në fushën e diplomacisë" që i ka lënë qeveria paraardhëse. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin