31/12/2013 09:59:18

Tiranë, Apeli burg penalistëve

Avokati Fran Dashi dhe sekseri i tij Dëfrim Prençi, akuzohen për korrupsion

TIRANE - Gjykata e Apelit në Tiranë vlerësoi sot masat e sigurisë për tre të dyshuarit e tjerë të çështjes së korrupsionit në Gjykatën e Pukës. Kështu, në seancën e organizuar pasditen e sotme, Gjykata e Apelit la në fuqi masat e sigurisë "arrest në burg" për avokatin Fran Dashi dhe shtetasin Dëfrim Prençi, i akuzuar si sekser në çështjen në fjalë. Ndërkohë, Gjykata e Apelit rivlerësoi masën nga “arrest në burg” në “arrest në shtëpi” ndaj ish -prokurorit të Pukës, Pëllumb Prençi. Javën e kaluar, Gjykata e Apelit la në fuqi masat e sigurisë “arrest në burg” ndaj ish- kancelares së Gjykatës së Pukës, Meliha Kuka dhe Fariz Xhurxhin dhe Liljana Shkjaun. Shtetasit e lartëpërmendur u arrestuan pak ditë më parë, pas denoncimit ne media të një rasti korrupsioni në Gjykatën e Pukës. Të arrestuarit apeluan masën e arrestit me burg, marrë nga Gjykata e Shkallës së Parë, duke kërkuar nga Apeli masë sigurie më të butë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin