27/12/2013 17:09:17

Amendamentet e PD-së për buxhetin

Kryetari i PD-së, Lulzim Basha tha se amendamentet janë hartuar mbi dy parime

TIRANË - Partia Demokratike ka depozituar zyrtarisht në Kuvend 39 amendamente për buxhetin e shtetit dhe paketën fiskale. Një ditë para miratimit në parlament të ligjit më të rëndësishëm ekonomik të vendit, kryetari i PD-së, Lulzim Basha tha se amendamentet janë hartuar mbi dy parime: së pari interesi publik, ndërsa parimi tjetër lidhet me premtimet elektorale të kryeministrit Edi Rama, premtime që e sollën në pushtet në zgjedhjet e 23 qershorit. "Asnjë kryeministër në botë nuk do të guxonte të gënjente për uljen e taksave, po të kishte një miligram të vërtetë se ka ulur taksën e fitimit, sipërmarrja dhe unë do t’i thurnte lavde këtij çlirimtari, por sipërmarrja është në revoltë të trefishtë, se rritja e 50% e taksës së fitimit, një arbitraritet fyes, e poshtëron sipërmarrjen duke e akuzuar se paguan nën dorë për të përligjur rritjen e taksës", tha ndër të tjera kreu i PD-së. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin