27/12/2013 10:45:02

NEXT, platoforma ku fillon e ardhmja e rajonit

Inovacioni, impakti në rajon dhe në kohë krize. Risia dhe e ardhmja që sjell një prej platformave më të rëndësishme rajonale. Aty ku takohen bizneset, fermerët dhe konsumatorët. Intervista me menaxheren e projektit rajonal NEXT, Alketa Leskaj

HermesNews - Cili është qëllimi i krijimit të projektit NEXT ?

Projekti NEXT rrjedh nga konsideratat mbi rolin e inovacionit, rrjeteve transnacionale dhe bashkëpunimit si levat e zhvillimit ekonomik kombëtar dhe, më në përgjithësi, të rritjes së kapacitetit konkurrues të sipërmarrjeve perms lidhjeve më të mira me rrethet e inovacionit. Qëllimi është të promovojë, zgjerojë dhe konsolidojë, në terma sasiorë dhe cilësorë, bashkëpunimin midis Institutive Kërkimore, sipërmarrjeve dhe kërkuesve/hulumtuesve. Të testojë mekanizmat në mbështetje të kërkimit dhe sistemit të transferimit të teknologjisë në territor. Të përfaqësojë një bashkëbisedues të kualifikuar me aktorët institucionalë në funksion të një qeverisjeje të zgjeruar K & I. Të mishërojë një partner konkurrues në kërkim dhe transferim të teknologjisë si në nivel territori ashtu dhe ndërkombëtarisht.

Dhe cili është inovacioni brenda kontestit të realitetit ku jetojmë për bashkëpunimet rajonale ?

Platforma online është inovacion në vetvete, sepse është inekzistente në tregun shqiptar. Është e vetmja platformë online, ku takohen 11 partnerë të ndryshëm nga gjashtë vende të rajonit dhe Europës. Një vend është i Europës dhe të tjerët janë Ballkanik. Flasim për një platformë inovative ku të gjithë takohen virtualisht, shkëmbejnë informacion dhe eksperienca. Ekziston si website dhe është i hapur, i gjithi në funksion të projektit. Aty paraqiten të gjitha projektet dhe puna që po bëjnë partnerët tanë. Detyrat për arritjen deri tek platforma janë të ndara. Fillimisht të gjithë partnerët kanë punuar për ngritjen e dukoumentave strategjikë, si plani i komunikimit, plani i cilësisë, marëveshja mes partnerëve. Kjo do të shërbejë për dokumentet strategjikë. Secili partner ka detyrat e veta: në to futet bashkëpunimi, ku secili ka rolin e tij të parashtrimit të ideve. Pala shiqptare ka patur rolin e organizimit të një konference ndërkombëtare që u zhvillua në Tetor, çfarë pati dhe shumë sukses. Pati një pjesmarrje të madhe. Hapat e tjerë janë puna për mbledhjen e informacionit dhe bashkëpunimi me palë shiqptare. Drejtoria rajonale e bujqësisë, autoriteti i kontrollit të ushqimit dhe instituti i tranferimit të teknologjive (ish instituti i misrit) plus dhe Universiteti i Shkodrës (biokimia, turizmi, dhe ekonomia). Deri tani janë bërë dy workshop-e, (Dhoma e Tregtisë është një ndër stakeholder-at). Janë thirrur të gjithë përfituesit. Kemi bashkëpunime të mira me ekspertë të informatikës dhe komunikimit si Gjon Nika dhe Gjergj Sheldia. Në workshopin e dytë dolën në pah pritshmëritë nga platforma online. Prioritet është bujqësia dhe turizmi. Në këtë platformë gjen përgjigje si fermeri dhe deri tek institucioni, pasi është gjithëpërfshirëse.

Cilat do të jenë fazat nëpërmjet të cilave do të kalojë projekti ?

T'i marrim me radhë: Libri i hapur NEXT / NEXT open book: Kjo fazë parashikon krijimin, e një Depo e cila mund të përditësohet vazhdimisht nga qendra kërkimore dhe te transferimit të teknologjisë (publike dhe private). Kjo do te realizohet bazuar në një analizë të kontekstit dhe përmes një përfshirje efektive te "aktorëve të inovacionit" në zonat përfaqësuara.

Trendi NEXT / NEXT trend: është një raport përmbledhës raport i cili do të pregatitet për të dhënë detaje, për secilin nga territoret e përfshira, nga niveli i intensitetit teknologjik, rezultatet e përsosmërisë në fushën e kërkimit dhe inovacionit, mundësitë për investime, mbështetje te politikave publike. Te dy mjetet do të jenë funksional për të identifikuar dhe dhene dukshmëri kompetencave të ekselencës, duke lehtësuar ndërveprimin midis aktorëve të ndryshem kërkimore. Zbatimi i një platformë online do të thjeshtojë dhe përshpejtojë mundësitë për bashkëpunim, duke kontribuar në themelimin / forcimin e zinxhirit të furnizimit dhe grupimeve, si dhe për tërheqjen e investimeve dhe duke rezultuar ne kapitalizimin e sektorëve kryesorë të inovacionit.
Kutia NEXT/NEXT Box: në mënyrë që të konsolidohet sistemi i reagimit, së bashku me një seri nismash të veçanta të shërbimeve online te mbeshtetura ne nje platform bashkepunimi.

Rritje Investimesh NEXT / NEXT Investment booster: sipas kësaj nisme bëhet fjalë për inicitiva të cilat do të zbatohen për promovimin e mundësive për investime (p.sh. Promovimi i patentave dhe veprimeve mbështetëse për suplementim/spin- off-et dhe grupe kërkimore për dorëzimin tek investitorët potencial).

Prespektiva NEXT / NEXT Outlook: Parashikon një studim fizibiliteti. Pas një analize të kryer mbi eksperimentimin dhe partneritetet e zhvilluara në kuadër të projektit, do të ofrohen sugjerime për Autoritetin Programit, si dhe indikacionet për zhvillimin e politikave për të mbështetur risi në fushën e references.

Vazhdueshmeria (vijueshmeria) NEXT /NEXT Suite: gjithashtu do të kryhet për të verifikuar qëndrueshmërinë e ardhshme të iniciativës.

CIli është roli dhe prespektiva e Shqipërisë ?

Pala shqiptare merr pjesë në çdo aktivitet të partnerëve dhe në çdo hap të projektit; kemi rolin e ndërtimit të platformës për rajonin Shkodër dhe realizimin e platformës inovative online për gjuhën shqipe, ku takohen dhe gjejnë përgjigje, institucionet kerkimore (që kanë eksperiencë europiane) dhe specialistë të ndryshëm, të fushave të ndryshme (pranë bujqësisë), fermerë, biznese deri tek konsumatori i thjeshtë. Mund të rregjistrohesh për të marrë newsletter-in në web site.

Cili është impakti që ka patur fillimisht kjo platformë dhe cilat janë pritshmeritë ?

Nga Këshilli i Qarkut në Shkodër, është pritur me shumë pozitivitet dhe pati ambicie për të arrirë diçka të mirë. Për specialitet dhe përfituesit pati pak mozbesim, pasi ishte diçka abstrakte për ne. Problematika përsa i përket bujqësisë dhe zhvillimit të zonave rurale mund të jetë të mëdha dhe duket luks një platformë e tillë online, apo një inisiativë e parakohshme. Por Shqipëria pretendon statusin e vendit kandidat dhe për të ecur me hapa të shpejtë le të fillojmë që sot që kur të mbarojë projekti të jetë në vendin e duhur dhe në kohën e duhur. Njokohësisht duhet që mentaliteti të ndryshojë, pasi duhet me tepër bashkëpunim me njeri-tjetrin.

Cila mendon se do të jetë e ardhmja e kërkimeve teknologjike në ekonominë shqiptare ?

Për momentin le të pranojmë se është në nivelin minimal, sepse ka problematika të theksuara, pasi ka mungesa në laboratorë, pajisje të pakëta, dhe të kohëve të kaluara, (ka pak dinjitet institucional dhe mangësi në informacion). Mungon transporti, tregu etj etj. Ekonomia mund të përfitojë përsa i përket informacionit, mbi standartet europiane, të çertifikimit të produkteve të ndryshme, të prodhimit me cilësi të produkteve, tregjet e reja, teknikat e reja të përpunimit. Lehtësira të tjera të ndryshme. Mund të lindin bashkëpunime në rrjet pasi mund të gjëndet donatorë për dy ferma, por kjo mund të jetë dhe për turizmin. Zgjeron mundësi që të jep territori yt, si psh bashkëpunime rajonale si institucionale dhe private.

Si menaxhere projekti, cila është risia në aspektin kreativ të saj, me vendet që janë partnere ?

Heqja e kufizimeve territoriale. Ka platforma online që janë të ministrive, por kjo shkon përtej kufinjve, pasi bën krahasimin mes shteteve të tjera etj. Mund të bashkëpunosh dhe të shohin sesi shohin të tjerët. Projekte, kur të marrim statusin do të jenë rajonale.

Cila është eksperienca juaj kulturore dhe sociale ?

Jam aktiviste e shoqërisë civile. Këtu e gjej veten shumë më mirë. Jam marrë me problematika qv prekin jetën sociale dhe nëpërmjet aktiviteve të mia kam dashur të merrem me argumente që prekin të përditshmen.

Cili është impakti që ka ky projekt në aspektin e krizës ekonomike dhe financiare ?

Projekti është për zhvillim ekonomik. Fushat që prek projekti janë shtyllat e zhvillimit ekonomik, të Shkodrës. Platforma oline sjell infomacionin e fundit për zhvillimi e teknologjisë, bashkë me të rejat më të fundit. Sot është koha e teknologjisë dhe shkurtimi i distancës dhe kohës, është një kosto shumë më e pakët, prandaj interneti dhe zhvillimi i bashkëpunimit, sjell jo vetëm me mundësi të reja por dhe ndihmon bizneset dhe partnerët në kohë krizë, sidomos në një moment si ky që po kalojmë. Veriu duhet të dijë sesi ta shfrytezojë inovacionin në këtë moment krizë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin