26/12/2013 18:02:05

Pastrimi i parave: zbulohen paratë e Arjan Shabanit në Bruksel

220 mijë euro të fshehura në një qendër tregtare në Bruksel: arrestohet gruaja e një prej më të kërkuarve nga policia shqiptare dhe italiane. Arrestohet bashkëshortja e tij

BRUKSEL - Policia belge ka gjetur €220 000, prej të cilave €120 000 ndodhedhin në një qëndër tregtare. Rojet që gjetën në çantë paratë lajmëruan policinë. Paratë ndodheshin në rafte ku vendosen sende personale. Rojet lajmëruan policinë e cila la çantën aty për të parë se kush do të vinte për ta marrë.

Gruaja e Arjan Shabanit kishte shkuar për t'i marrë. Asaj iu gjetën edhe 100 000 euro të tjera në një llogari bankare. Ajo ndodhet në qeli dhe akuzohet për pastrim parash. Shabani kërkohet në Itali dhe Shqipëri për trafikim droge dhe grabitje me armë. 40-vjeçari u arrestua të mërkurën me një makinë "Audi" tip "A6". Policia belge thotë se, ai është "kriminel i rrezikshëm".

Shabani jetonte si shtetas bullgar. Italia dhe Shqipëria kërkojnë ekstradimin e tij, pasi në Itali është dënuar me 24 vjet burg, ndërsa në Shqipëri kërkohet për trafikim heroine. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin