21/12/2013 13:10:59

Basha 'Xhelal Mziu i pafajshem'

Gjykata nuk ka dhene asnje vendim ndaj tij

TIRANE- Kryetari i Partisë Demokratike, Lulzim Basha i'u përgjigj nteresimit të medias për arrestimin e kryetarit të bashkisë Kamëz, Xhelal Mziu, duke deklaruar se, PD është e hapur për çdo hetim dhe se kryebashkiaku është i pafajshëm deri sa një gjykatë e vendit nuk është shprehur ndryshe.

"Jemi informuar dje për këtë veprim dhe së pari dua të them se PD është e hapur për çdo hetim, për çdo çështje. Së dyti, në rastin konkret, si dhe në çdo rast tjetër procesi duhet të jetë sipas ligjit dhe transparent, tha kreu i PD-së në një prononcim për gazetarët.

Xhelal Mziu është i pafajshëm për sa kohë që një gjykatë e vendit nuk është shprehur ndryshe. Dua të theksoj se kemi besim të plotë tek drejtësia", përfundoi prononcimin e tij për këtë çështje kryetari i Partisë Demokatike. Kryetari i bashkisë së Kamzës, Xhelal Mziu, i zgjedhur nga Partia Demokratike, u arrestua mbrëmjen e së premtes nga policia e Tiranës nën akuzat e shpërdorimit të detyres dhe shkeljes së barazisë në tendera.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin