19/12/2013 17:42:09

Sa do të kursejnë mësuesit nga paketa e re fiskale ?

Nikolla, nga paketa e re fiskale, mësuesit në të gjithë vendin do të kursejnë gjithsej L1.200 në muaj

TIRANË - Ministrja e Arsimit dhe Sportit Lindita Nikolla mori pjesë të enjten në diskutimin për buxhetin e arsimit dhe sportit, në Komisionin Parlamentar të Edukimit dhe mjeteve të informimit publik. Nikolla tha se prej vitit 2014, nga paketa e re fiskale, mësuesit në të gjithë vendin do të kursejnë gjithsej 1 200 lekë në muaj.

Ajo vuri në dukje se “Fondet e parashikuara për vitin 2014 për Ministrinë e Arsimit dhe Sportit arrijnë në 2.9% të shpenzimeve publike në vleren prej 40.1 miliard lekë me një rritje prej 3.5% krahasuar me buxhetin e vitit 2013”.

Nga ky fond, për arsimin universitar do të kalojë 85,3 % e buxhetit. “Këto para do të përdoren për rikonstruksionin e 150 shkollave, ku 105 janë në rrezik shembjeje”, tha ministrja e arsimit.

Shpërndarja e fondit për arsimin parauniversitar do të bëhet sipas tre programeve. Për programet e Arsimit Bazë parashikohen të shpenzohen rreth 62.2% e buxheti të MAS, për Arsimin e Mesëm të Pergjithshëm, parashikohen të shpenzohen rreth 14.9 % e buxheti të MAS dhe për Arsimin i Mesem Profesional dhe Social-kulturor, parashikohen të shpenzohen rreth 6.2% e buxheti të MAS, 0.54% e shpenzimeve të buxheti, si dhe 0.18 % e PBB.

Ndërkohë për programin e Arsimit të Lartë, parashikohen të shpenzohen rreth 13.8% e buxheti të MAS, ndërsa për Kërkimin shkencor dhe ekselencën parashikohen të shpenzohen rreth 0.43% e buxheti të MAS.

Gjithashtu Nikolla bëri me dije se fondi për transportin do të jetë rreth 600 milionë lekë në vit, fondet për bursat do të kapin shifrën e 410 milionë lekëve dhe 110 shkolla do të pajisen me tablet elektronik. Po kështu do të shtohen orët e edukimit fizik në shkolla, dhe për sportin parashikohet të shpenzohet rreth 0.4% e buxheti të Ministrisë së Arsimit dhe Sportit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin