19/12/2013 09:50:54

30 klandestinë në tokën shqiptare

Klandestinët kishin ardhur nga Greqia dhe kishin destinacion Italinë

GJIROKASTËR - Rreth 30 klandestinë nga Siria, u ndaluan naten e kaluar nga policia e Gjirokastrës, në jug të vendit. “Emigrantët të moshës 20-30 vjeç, u ndaluan në afërsi të fshatit Bula, rreth 10 km larg Gjirokastrës”, bëri të ditur sot policia lokale. Mësohet se klandestinët kishin ardhur nga Greqia dhe kishin destinacion Italinë. Aktualisht policia ka nisur një procedurë ligjore për riatdhesimin e tyre drejt Greqisë. Gjatë këtij viti, policia kufitare e Gjirokastrës ka ndaluar mbi 1600 klandestinë, kryesisht nga Afganistani, Iraku, Tunizi, Siria dhe Palestina. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin