17/12/2013 20:29:29

Lalla, hetojmë burimin e krijimit të pastrimin të parave

Pastrimi i parave kërkon mbështetjen e funksionarëve publikë

TIRANË - Hetimet kundër korrupsionit, informalitetit në fushën e ndërtimeve dhe krimit të organizuar kanë orientuar prokurorinë shqiptare drejt investigimit të thelluar lidhur me pastrimin e parave që gjenerojnë këto aktivitete të paligjshme.

Këtë pohim, Prokurori i Përgjithshëm, Adriatik Llalla, e bëri gjatë një bisede me Ambasadoren e Republikës së Francës në Shqipëri, Christine Moro dhe Drejtorit të TRACFIN (agjencia kundër pastrimit të parave, Francë), Jean-Baptiste Carpentier, sipas Prokurorisë së Përgjithshme.

Personat e përfshirë në to, tentojnë të penetrojnë në veprimtarinë e institucioneve shtetërore dhe synojnë të gjejnë mbështetje te funksionarë publikë. Ky është një mekanizëm që funksionon në shumë vende të botës dhe, natyrisht, edhe Shqipëria nuk mund të bëjë përjashtim nga ky rregull paligjshmërie.

Në të njëjtën linjë "po veprohet edhe me hetimet lidhur me trafikun e lëndëve narkotike në sasi të mëdha, për të provuar qarkullimin e parave të rrjedhura nga ky aktivitet i paligjshëm në sipërmarrje të ndryshme private. Gjithashtu, edhe të ardhurat e krijuara nga korrupsioni janë një tjetër objekt, i cili po hetohet lidhur me pastrimin e parave”, theksoi kryeprokurori Llalla.Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin