12/12/2013 20:14:04

Një rrugë për Mandelën

nga Doriana Metollari

HermesNews - U mblodhëm dhe e vendosëm. Mendojmë se është një inisiativë e drejtë për t'u bërë vendosja e emrit të një rruge për Mandelën.

Mandela i dha shumë botës me jetën e tij dhe jeta e një njeriu që vuan, siç ka vuajtur ai për popullin e vet, bëhet frymëzim.

Shëmbulli i Mandelës është ai i një njeriu të thjeshtë që arrin të ndryshojë fate njerëzimi, historia i kujton dhe disa me vonë ndoshta do t'i hedhin në një Bibël, por jam e sigurtë se këta njerëz nuk kërkojnë të adhurohen nga askush.

Unë besoj se kjo kategori njerëzish përbën atë që ne e quajmë mbrojtjës të vlerave të njerëzimit dhe shqiptarët kanë shumë nevojë për Mandelën. E para sepse kanë pjesën më të madhe të shqiptarëve jashtë dhe e dyta sepse ne si popull kemi nevojë të kultivojmë konceptim e lirisë dhe njëkohësisht të bejmë paqe me të kaluarën tonë.

Le të ndalemi tek kjo e fundit. A nuk ia vlen të hedhim pas një herë e përgjithmonë të kaluarën për të punuar për të ardhmen ? Të hedhim pas nuk do të thotë të mos e kujtojmë por vetëm të mësojmë të bashkëjetojmë me të, pa na penguar në të sotmen e mbi të gjitha në të ardhmen.

Prandaj "Një rrugë për Mandelën" do të ishtë jo një zgjidhje, por një pikënisje për një të ardhmë më të mirë, për të kultivuar jetën tonë çdo ditë në të ardhmen më vlera të reja, të përmirësohemi si njerëz, të jemi më pak egoistë dhe ta duam komunitetin.

Mandela ishte një njeri që respektoi veten dhe të deshi të tjerët.

Besojmë se të gjitha bashkitë e Shqipërisë mund t'ia dedikonë një rrugë Mandelës, dhe bashke me ketë dedikim t'i japin një shans të ardhmes së qytetarevë të vet.

Ftojmë të gjithë shoqërinë civile dhe shoqatat të aderojnë në iniciativën e Hermesnews. Na ndiqni dhe në Facebook dhe Twitter//HermesNews - ©2013//

Doriana Metollari

Dërgo me email | Stampo artikullin