12/12/2013 14:06:29

Akull rrugës për në Kosovë

Në kufirin Shqipëri-Kosovë, me një gjatësi prej 123 kilometrash, prej të cilave 117 kilometra kufi tokësor dhe 6 kilometra kufi lumor, funksionojnë 6 pika të kalimit kufitar, prej të cilave në rrethin e Kukësit; Morini, Shishtaveci, Borja dhe Orgjosti, në rrethin e Hasit, qafë Prushi dhe në rrethin e Tropojës, qafë Morina

KUKËS - Pavarësisht ditëve të ftohta të dimrit, që ka përfshirë rajonin verilindor dhe mbarë vendin, fluksi i lëvizjes së automjeteve dhe udhëtarëve në të dy anët e kufirit Shqipëri-Kosovë vazhdon me ritme normale dhe të zakonëshme me afrimin e festave të fundvitit.

“Gjatë këtyre ditëve, fluksi i lëvizjes nuk ka qenë i lartë, ndërsa puna ka vazhduar normalisht”,- thotë Ylber Demiri, punonjës në Drejtorinë Rajonale të Policisë së Kufirit.

Referuar burimeve, vetëm gjatë 24 orëve të fundit, kanë hyrë në Shqipëri nga Kosova 2760 persona, me 680 mjete dhe kanë dalë nga Shqipëria drejt Kosovës 2170 persona, me 568 mjete.

Megjithë fluksin në rritje gjatë këtyre ditëve, kur shtresat e akullit janë të pranishme në segmente të veçanta të Autostradës së Kombit, nuk është shënuar asnjë aksident automobilistik, ndërsa nga Policia janë përforcuar shërbimet e kontrollit për t’i ardhur në ndihmë udhëtarëve. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin