10/12/2013 17:15:09

Lajmi i mirë për udhëtarët

Lëvizja e mjeteve në të dy anët e tunelit vijon normalisht

KUKËS - Megjithë gjatësinë e tij dhe fluksin e automjeteve që lëvizin në të dy tunelet e Kalimashit, në Autostradën e Kombit, kamerat e sigurisë, të vendosura në ambjentet e jashtme dhe të brendëshme të tyre, mbajnë në vëzhgim ç'do lëvizje apo defekt të mundshëm të mjeteve që lëvizin në to.

Rritja e fluksit të lëvizjes së mjeteve të të gjitha llojeve, në të dy anët e tunelit të Kalimashit, nuk ka shkaktuar probleme për specialistët e kontrollit e të mirëmbajtjes së mjediseve të brendshme të tij.

“Fluksi i lëvizjes edhe në këto ditë të fillimit të dimrit nuk ka qenë i vogël dhe gjithçka ka vijuar normalisht, ndërsa nga ana jonë është rritur kontrolli në të gjitha mjediset e brendshme të tunelit. Kemi arritur të eliminojmë në kohë çdo problem të lindur në teknikën e kontrollit e të vëzhgimit”, tregon për Liridon Selimi, një prej punonjësve të brigadës së mirëmbajtjes së tunelit.

Lëvizja e mjeteve në të dy anët e tunelit ka vijuar normalisht. Edhe pse defektet në tunelin e Kalimashit nuk kanë munguar në mjediset e brendshme të tij, sikurse raste të rënies së zjarreve, ato janë eliminuar menjëherë, pa shkaktuar shqetësim, pasi në hyrje të tunelit funksionon reparti zjarrfikës, me 6 mjete për shuarjen e zjarrit.

Dy tunelet e Kalimashit, pjesë e Autostradës së Kombit, kanë një gjatësi prej 5,7 kilometra të gjatë secili dhe ndodhen në lartësinë e 820 metrave mbi nivelin e detit, gjë që sjell rënien e shpeshtë të dëborës tani në stinën e dimrit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin