10/12/2013 09:39:44

Arrestime për vjedhje karburantesh

Gjatë kontrollit të ushtruar në automjetin (autobot) me targa FR 5662 të drejtuar nga Sabaudin Kasaj, rezultoi se lënda djegese që ndodhej në të nuk ishte e llojit solar siç ishte përshkruar në faturën tatimore të shitjes

FIER - Efektivat e Sektorit Kunder Krimit Financiar te Drejtorisë së Policisë së Qarkut Fier, në bashkepunim me Komisariatin e Policisë, finalizuan me sukses operacionin "PETROLIUM - 3", duke arrestuar Sabaudin dhe Shefqet Kasa, përkatësisht të moshës 48 dhe 58 vjec.

Sipas burimeve të policisë lokale, mbi dy të arrestuarit rëndojnë akuzat e "Falsifikimit të Vulave, Stampave ose Formulareve" e kryer në bashkpunim dhe "Vjedhjes" e kryer në bashkëpunim. "Gjatë kontrollit të ushtruar në automjetin (autobot) me targa FR 5662 të drejtuar nga Sabaudin Kasaj, rezultoi se lënda djegese që ndodhej në të nuk ishte e llojit solar siç ishte përshkruar në faturën tatimore të shitjes, por naftë bruto, qe dyshohet se është e vjedhur në puset e kompanisë shtetërore "ALBPETROL sh.a.", tha zëdhënësja e policisë, Enkeleda Allkanjari.

Sipas saj, policia ka sekuestruar në cilësinë e provës materiale automjetin me sasinë e lëndës djegëse, si dhe ka bllokuar subjektin privat "Kasa" i administruar nga Shefqet Kasa. Sipas policisë, gjatë kontrollit në këtë subjekt u gjet dhe një autobot tjetër, si dhe një sasi e konsiderueshme lëndë djegese (naftë bruto), rreth 42.000 litra. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin