04/12/2013 10:52:14

Plumba në oborrin e shkollës: Rama, jemi pranë familjes

Vritet me armë zjarri adoleshenti A.T

(15:47) Nga hetimet e deritanishme rezulton se autor i kësaj ngjarje është shtetasi E.V., 15 vjeç, banues në fshatin Xhafzotaj, nxënës i vitit të parë të kësaj shkolle të mesme.

Ngjarja ka ndodhur në ambientet e ofiçinës së shkollës. Dy klasat respektive të nxënësve të përfshirë në ngjarje, po zhvillonin praktikën mësimore në atë moment.

Në vendin e ngjarjes u bllokua arma e zjarrit, e cila kishte reduktim në disa pjesë të saj (që shërbenin për zvogëlimin e përmasave fizike të armës).

Aktualisht po punohet me intensitet në dy drejtime: për kapjen e autorit të dyshuar të ngjarjes si dhe saktësimin e motiveve dhe mekanizmit të plotë të kësaj ngjarje.


(11:55) "Edi Rama shpreh ngushëllimet më të ndjera për familjen e djalit që humbi jetën dhe i ka kërkuar Ministrit të Brendshëm dhe Ministres së Arsimit të shkojnë në vendngjarje për tu siguruar që të afërmit e viktimës, studentët dhe mësuesit të kenë të gjithë mbështetjen dhe solidaritetin e nevojshëm. Kjo ngjarje tragjike është një kambanë e fortë alarmi për të gjithë, qeverinë, trupat mësimore, prindërit, shoqërinë në tërësi. Kryeministri ka kërkuar të bëhet një hetim i plotë dhe të njihet me të gjitha faktet, në mënyrë që të merren të gjitha masat e nevojshme që ngjarje të tilla të mos përsëriten", përfundon komunikata.


DURRES - Një 16 vjeçar nga Durrësi ka mbetur i vrarë me armë zjarri në oborrin e shkollës ku mësonte, në zonën e Shkozetit. Burime zyrtare nga drejtoria e policisë së qarkut, bënë të ditur se A.T, nxënës i vitit të parë në shkollën e mesme profesionale Beqir Cela të Shkozetit, ka humbur jetën pasi është qëlluar e armë zjarri në mjediset e shkollës. Sipas të njejtave burime, forcat e policisë ndodhen në vendngjarje dhe po punojnë për të sqaruar rrethanat e vrasjes si dhe për të identifikuar autorin e krimit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin