04/12/2013 09:41:22

Bashkia e Vlorës, letër për prishjen e ndërtimeve pa leje

Kërkesa drejtuar Inspektoratit Ndërtimor Urbanistik Kombëtar

TIRANË - Bashkia e Vlorës kërkon ndërhyrjen e INUK për prishjen e ndërtimeve nga Uji i Ftohtë tek Tuneli. Burime zyrtare nga Ministria e brendshme bëjnë të ditur se kërkesa është realizuar përmes një letre të drejtuar Inspektoratit Ndërtimor Urbanistik Kombëtar. Në letër, Bashkia e Vlorës thekson se INUK duhet të ndërhyjë për ndërtimet që preken nga rehabilitimi mjedisor i vijës së mbrojtur bregdetare.

"Në zbatim të pikave 2 dhe 7 të Vendimit të Këshillit të Ministrave “Për shpronësimin për Interes Publik, të pasurive të paluajtshme, pronës private, objekte, që preken për rehabilitimin e vijës së mbrojtur detare Uji i Ftohtë -Tunel, në Bashkinë e Vlorës", kërkohet ndihma e INUK, pasi Inspektorati Ndërtimor Urbanistik Vendor i Bashkisë së Vlorës (INUV) nuk ka logjistikën e nevojshme për të realizuar qëllimin e kërkuar nga VKM-ja.

Në kërkesën e Bashkisë Vlorë, i kërkohet INUK-ut të ushtroj kompetencat e saj në prishjen e objekteve të paluajtshme përgjatë vijës bregdetare nga uji i ftohtë deri tek Tuneli. Inspektorati Ndërtimor Urbanistik është në varësi të Ministrisë së Zhvillimit Urban dhe Turizmit.

Kjo kërkesë e Bashkisë së qytetit Bregdetar vjen disa orë pas Vendimit të Këshillit të Ministrave. që i hapë rrugën shpronësimit të objekteve të cilat ndodhen përgjatë vijës bregdetare nga uji i ftohtë deri tek tuneli. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin