03/12/2013 17:37:41

JO azilit per Cile Precetajn

Deportohet sot nga autoritetet amerikane me tre femijet

SHBA- Për Cile Precetajn, një emigrante shqiptare me tre fëmijë amerikanë, 24 orët e fundit janë bërë tmerr. Në orën 10.30 minuta të mëngjesit, 40 vjecares iu deklarua se do t’i duhet të shkojë në Aeroportin Metro të Detroitit dhe se ajo duhet të përgatisë gjithcka në kaq kohë për t’u kthyer në Shqipëri.

Sipas familjarëve të saj, autoritetet amerikane kanë përgatitur deportimin e gruas këtë mëngjez. Gjithcka tepër e shpejtë. “Në eksperiencën time, unë nuk kam parë kurrë të deportohet një nënë me tre fëmijë”, ka thënë për emigracionin e New Yorkut avokati Andrew Johnson, i cili po nxiton të shpetojë klienten e tij nga deportimi. “Askush nuk mund ta besojë këtë që po ndodh”.

Burri i Ciles është i shokuar. “Ne jemi duke pritur për ndonjë mrekulli”, ka thenë për median Pjetero Gojcevic. Shërbimi i emigrimit amerikan ka thënë se do të flasë për cështjen në fjalë ditën e martë.

Sipas dokumentave dhe intervistës me burrin e Ciles, gjithcka ka një histori. Cile Precetaj e cila ka lindur në Shqipëri në vitin 1972, ka shkuar në SHBA në vitin 2000 për t’i shpëtuar dhunës së vazhdueshme të të fejuarit të saj, duke dëshmuar se ajo mundi të largohej nga rrethi për t’i shpëtuar rrëmbimit dhe shitjes si prostitutë. Ajo hyri në SHBA nëpërmjet Kanadasë në kufirin portual Huron me disa miq. Sapo mbërriti atje, ajo iu dorëzua autoriteteve amerikane dhe kërkoi azil.

Gjatë kohës që jetonte në Amerikë në mënyrë të paligjshme, ajo u martua dhe krijoi familje. Punonte duke gatuar nëpër restorante të ndryshme. Mësuesit e fëmijëve e quanin atë si një nënë të mirë dhe me influencë pozitive tek performanca e fëmijëve në shkollë.

Por në lidhje me kërkesën e saj për azil, një gjykatës emigracioni nuk e ka pranuar kerkesën, duke dhënë vendimin se ajo “kishte lidhje me prostitucion dhe ishte e lidhur me krimin”. Edhe nëse gjithcka do të ishte e besueshme, për gjykatësin ajo nuk mund të përfitonte azil pasi “gratë e reja dhe tërheqëse nuk janë një grup shoqëror për azil”. Në vitin 2008, seanca e gjashtë e Gjykatës së Apelit la po këtë vendim.

Ndërkohë, Precetaj ndodhej nën mbikqyrjen e Departamentit të Sigurimit të Mbrojtjes amerikane. Duke humbur kërkesën për azil, ajo ishte e detyruar që të paraqitej një herë në muaj në zyrën e emigracionit të emigrantëve në Detroit. Ajo e dinte se deportimi në këtë rast do të vinte, por nuk e dinte se kur, ekzaktësisht.

Ditën e henë ajo morri edhe njoftimin. Menjëherë hkoi në shtëpi dhe i tha të shoqit i cili kishte emigruar nga ish-Jugosllavia 40 vjet më parë. Cifti nxjerr fëmijët nga shkolla dhe u tregon atyre njoftimin. Ata nisën të qajnë me të madhe. Gruaja nisi të paketojë gjërat, duke u dhënë urdhër që edhe fëmijët të bëjnë të njëjtën gjë. Cilja tashmë ka planifikuar të jetojë më prindërit e saj në një fshat në Shqipëri. “Ajo nuk ka asnjë zgjedhje. Nuk mund t’i lerë fëmijët”, ka thënë burri i saj i cili është kuzhinjer në një zonë në periferi të Detroitit, duke shtuar se ai nuk ka mundësi që t’i rritë fëmijët vetë.

Gojcevic deklaron se ai është është nën shok, pasi ishte i kënaqur nga vendimi i presidentit amerikan Barack Obama, në të cilin thuhej se “do të deportohen ata emigrantë të cilët kanë lidhje me krimin, por jo ata të cilët janë të pastër dhe që kanë fëmijë të lindur në Amërikë”. Gojcevic e përshkruan Cilen si një grua të mirë, si një person që punon shumë në një restorant dhe që paguan të gjitha taksat. Ai shpreson që qeveria amerikane të dëgjojë lutjen e tij. “Lereni atë të jetojë me fëmijët e saj dhe t’i rritë ato në vendin që ata e njohin”, ka thënë ai. “Ajo e do këtë vend”.
Na ndiqni dhe në Facebook dhe Twitter

Edison Myrteza

Dërgo me email | Stampo artikullin