02/12/2013 13:42:47

Operacioni 'Fund Marrezise

Nisin hetimet per 4 persona ne Fier

TIRANE- Strukturat e Krimit Ekonomik në Drejtorinë e Policisë së qarkut Fier, në kuadër të operacionit policor "Fund Marrezise" për goditjen e biznesit të paligjshëm të lojrave të fatit dhe basteve sportive, ka proceduar sot penalisht 4 shtetas nga rrethi i Lushnjes.

"Policia ka proceduar sot penalisht 25 vjecarin E.Prifti dhe 46 vjecarin S.Sota, me banim në Toshkëz, Lushnje, si dhe 26 vjecarin A.Sulla dhe J.Bano nga Lushnja, nën akuzën e organizimit të llotarive të palejuara dhe vënien në dispozicion të lokaleve për lojrat e fatit", tha zëdhënësja e policisë, Enkeleda Allkanjari.

Sipas burimeve policore, gjatë kontrollit të ushtruar në ambjentet e lokaleve të shtetasve të sipërpërmëndur, policia gjeti dhe sekuestroi në cilësinë e provës materiale 4 pika llotarie e baste sportive të kompanive "Top Bast" e "Interbast" të palicencuara, si dhe 6 aparatura të lojrave të fatit pa mbishkrime mbi to. Allkanjari tha se policia do të vazhdoje aksionin për goditjen e aktiviteti të jashtëligjshëm të lojrave të fatit deri në eleminimin e plotë të fenomenit.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin