29/11/2013 09:31:34

Gjirokastër, sekuestrohen 268 pako me marijuanë

Tjetër operacion në afërsi të Lazaratit

GJIROKASTER - Në vijim të operacioneve të njëpasnjëshme antidrogë të koduara, të zhvilluara nga ana e Sektorit kundër narkotikëve në Drejtorinë e Policisë së Qarkut Gjirokastër (foto) për goditjen e trafikut të mariaunës të dalë nga fshati Lazarat, ku gjatë operacioneve të dy muajve të fundit janë sekuestruar rreth 1.5 tonë mariuanë, rreth orës 01.30 të mëngjesit të sotëm është zhvilluar një tjetër operacion antidrogë i koduar Kamoflimi, nga Specialistët e Sektorit Kundër Narkotikëve në Drejtorinë e Policisë së Qarkut Gjirokastër ”dhe konkretisht:

Agjentët e antidrogës si rezulatat i punës një javore, kanë finalizuar me sukses operacionin e Koduar "Kamoflimi", ku rreth orës 01.30 të mëngjezit kanë marrë informacion në rrugë operative se ishte nisur nga fshati Lazarat, automjeti kamjoncinë Iveko që mbahej nën vezhgim prej një jave, e cila transportonte një sasi të madhe lënde narkotike Mariuanë në drejtim të Vlorës.

Specialistët dhe Agjentët e Sektorit Kundër Narkotikëve në Drejtorinë e Policisë së Qarkut Gjirokastër kanë ngritur shërbime në aksin rrugor Kordhocë - Gjirokastër.

Në momentin që automjeti ka zbritur në rrugën nacionale Kordhocë -Gjirokastër, Specialistët e Sektorit Kundër Narkotikëve janë vënë në ndjekje të Kamjoncines.

Në dalje të qytetit Gjirokastër, në afërsi të Viroit, Specialistët e Sektorit Kundër Narkotikëve në Drejtorinë e Policisë së Qarkut Gjirokastër kanë ndërhyrë duke bërë bllokimin e kamjoncinës dhe të drejtuesit të saj duke i shoqëruar në ambjentet e drejtorisë së Policisë së Qarkut Gjirokastër për kontroll të imtësishëm të automjetit dhe konkretisht.

Automjetit Kamjoncinë Iveko e mbyllur me targa AA 928 AZ, që drejtohej nga shtetasi EDUARD SAKO, i datëlindjes 1967, lindur dhe banues në VLORË.

Specialistët e Sektorit Kundër narkotikëve si dhe grupi hetimor gjatë kontrollit të imtësishëm të automjetit kane konstatuaer se:

• Në pjesën ballore të karrocerisë në pjesën e brendëshme të saj ishte krijuar një dhomë e fshehtë , ku sipër saj ishte riveshur me tapiceri të re prej druri, ku brenda saj kishte pako të shumta me lëndë narkotike.

• Gjatë kontrollit rezultoi se në dhomën e fshehtë kishte 286 pako të mbështjella me letër natriban transparent, me peshë 2.4 kilogramë secila, ku brenda tyre kishtë lëndë narkotike Mariuanë të presuar .

• Gjithashtu në brendësi të dhomës së fshehtë u gjetën edhe 7 pako me peshë 1.8 kilogramë secila .

• Pesha e përgjithëshme e Mariuanës që u gjet në Kamjoncinë, ishte 699 kilogramë Mariuanë e presuar.

Në përfundim të veprimeve të para hetimore, të kryera nga specialistët e Antidrogës, rezultoi se destinacioni përfundimtar i drogës ishte shteti italian.

Materialet do t’i kalojnë Prokurorisë së Rrethit Gjyqësor Gjirokastër për veprime të mëtejshme për veprën penale të “Prodhim dhe shitje të lëndëve narkotike“. Na ndiqni dhe në Facebook dhe Twitter

Komunikatë për shtyp

Dërgo me email | Stampo artikullin