28/11/2013 13:41:20

Lihen te lire te pedagoget

Gjykata e Elbasanit e quan arrestimin te paligjshem

ELBASAN - Gjykata e Rrethit Gjyqësor Elbasan, ka lënë të lirë dy drejtuesit kryesorë të universitetit “ Aleksandër Xhuvani”, pasi e ka cilësuar arrestimin e tyre si të paligjshem.Vendimi u morr sot ne seancën për vlerësimin e masës së sigurisë ndaj tyre.

Në seancë, prokurori i çështjes Arbër Berexha kërkoi masën e detyrimit me paraqitje për kancelarin Eljan Hoxha dhe Drejtorin e Drejtorisë Ekonomike në Universitet Filip Qosja. Ndërkohë që, avokatët mbrojtës Vaso Jano dhe Shkëlqim Duka kundërshtuan kërkesën e akuzës, duke i cilësuar klientet e tyre të pafajshëm.

Në fund trupi gjykues i kryesuar nga Ramazan Avdia, vendosi lirimin e tyre. Dy zyrtarët e universitetit u arrestuan tre ditë më parë nga policia nën akuzën e “ shpërdorimit të detyrës” dhe fallsifikimit të dokumentave”.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin