27/11/2013 14:32:01

Tiranë, zbulohen trafikantët

Arrestohen teksa përgatisin rrjetin e shpërndarjes së drogës

TIRANË - Komisariati i policisë Kavajë falë një punë të mirë-organizuar ka bërë të mundur arrestimin e tre shtetasve pjesë e një rrjeti shpërndarësish të lëndëve narkotike heroinë dhe cannabis.

Sipas njoftimit të Policisë së Tiranës, Komisariati i Policisë Kavajë ndërsa punonte për ndalimin e shtetasve në kundravajtje rrugore, paralelisht ka punuar me intensitet edhe në drejtim të kapjes së personave në kërkim, duke mundësuar kështu arretimin dhe bllokimin e shpërndarëve të lëndëve narkotike si dhe ato që posedojnë armë pa leje.

Kështu, sa sipër, gjatë një kontrolli të ushtruar nga strukturat e këtij komisariati, mëngjesin e sotëm është bërë i mundur arrestimi në flagrancë i shtetasve, Mirjan Muhameti, 26 vjeç, lindur e banues në Tiranë, Fadil Lila, 18 vjeç, me banim në Kavajë, si dhe Arian Dede, 36 vjeç, me banim në Kavajë.

Arrestimi i këtyre shtetasve u bë përgjatë momenteve të përgatitjes së një rrjeti shpërndarje të lëndëve narkotike, lëndë të cilat i posedonin në shumë doza farmaceutike të llojit cannabis dhe heroinë.

Ndërkohë, në vazhdim të kontrollit personal të sipërcituarve ju gjend dhe ju sekuestrua në cilësinë e provës materiale lënda narkotike si dhe disa armë të ftohta. Materiali proçedurial në ngarkim të tyre ju kalua për hetime të mëtejshme Prokurorisë së Rrethit Gjyqësor Tiranë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin