27/11/2013 09:25:14

Fillojnë reshjet e deborës

Përmbledhje e lajmeve mbi situatën e dëborës

(12:00) Reshjet e dëborës që kanë përfshirë qarkun e Dibrës kanë krijuar problemet e para ne keto dite te ftohta. Probleme jane krijuar sidomos me nderprerjen e energjise elektrike ne disa komuna te zones se Burrelit.


(10:15)
LIBRAZHD - Reshjet e dëborës kanë vështirësuar qarkullimin e mjeteve në zonat malore të qarkut të Elbasanit. Mustafa Arapi, shefi i emergjencave civile në Prefekturën e qarkut, tha se "dëbora qe ka arritur në rreth 15 centimetra, ka vështirësuar qarkullimin në akset rrugore Librazhd - Stëblevë, si dhe Prrenjas - Qafë Thanë".

Në këto akse janë dislokuar mjetet e firmave private dhe borëpastrueset për të bërë të mundur qarkullimin e mjeteve. Deri në orët e para të mëngjesit të sotëm ka pasur vështirësi në qarkullimin e mjeteve në vendin e quajtur Kthesat e Murrashit, ku si pasojë e shirave kanë rënë gurë dhe dhera nga kodrina që ndodhet buzë rrugës.

Arapi tha se "ndërmarrja e rrugëve rurale nuk ka mundësi të mirëmbajë këtë aks rrugor për shkak të mungesës së fondeve".

Reshjet e debores qe kane perfshire qarkun e Dibres kane krijuar problemet e para ne keto dite te ftohta. Probleme jane krijuar sidomos me nderprerjen e energjise elektrike ne disa komuna te zones se Burrelit.

Temperaturat në territorin e qarkut të Shkodrës janë ulur ndjeshëm. Sipas informacioneve te prefekturës, në zonat malore krahas ngricave të një dite më parë, tashmë kanë filluar edhe reshjet e dëborës, që kanë krijuar problemet e para në qarkullimin rrugor.

Në një prononcim, prefekti Paulin Radovani bën të ditur se si rezultat i pranisë së dëborës në disa prej akseve rrugore të rrethit Pukë, qarkullimi po kryehet me zinxhire. Persa i perket komunave, ajo e Iballës ka probleme me shume se të tjerat, pasi trashësia e dëborës, por edhe ngricat në akset rrugore, kanë krijuar probleme për komunitetin.


(10:00) TIRANË - Ministria e Transporteve dhe Infrastrukturës publikoi sot të dhënat pas situatës së krijuar në vend nga reshjet e dëborës. Në deklaratën për mediat, zyra e shtypit e këtij dikasteri bën të ditur se nga komunikimi me Drejtoritë e Rajoneve mësohet se:

Në rajonin Verior Shkodër: Ka patur rreshje të dendura bore.Në Puke, akset Gomsiqë - Qafe Mali - Fushë Arrez - Qafe Shllak, ka patur 60 cm borë dhe kalimi kryhet me zinxhirë.

Në Qafë Prush ka 15 cm borë. Në Kalimash ka patur rreth 15 cm borë por është pastruar nga kontraktorët dhe kalimi bëhet me dy kalime. Në Rrugën e Kombit nuk ka probleme për qarkullimin, pasi kontraktorët kanë marrë masa për normalizimin e situatës.

Në Dibër: Në aksin Burrel - Ulez, ka rreth 20 cm borë, por kalimi kryhet me dy korsi pa zinxhirë.

Në Qafën e Buallit ka patur ngrica dhe si pasojë kalimi kryhet me zinxhirë.
Në akset e Shkodrës, Koplik -Bogë dhe Koplik - Razëm, ka rreth 15 cm borë, por kalimi kryhet normalisht pa zinxhire. Në akset Ura e Mesit - Prekal dhe Qafë Laç - Koman, ka rreth 5 cm borë, por pa probleme për qarkullimin.

Në Rajonin Jugor Gjirokastër: Në Korçë ka patur rreshje bore. Më e vështirë situata ka qënë në Qafë Plloçë, por me ndërhyrjen e kontraktorit, situata është normalizuar. Tani qarkullimi kryhet normalisht. Në Qafë Thanë dhe në Qafë Qarri, situata është pa probleme për qarkullimin.Nuk ka probleme as në Muzinë dhe në Llogora.

Në Rajonin Qëndror Tiranë:Në aksin Elbasan - Peqin - K/ Rrogozhine ka patur rënie gurësh në Babloë dhe Derven që janë pastruar nga kontraktori. Dje pasdite, rreth 2 km pa shkuar në Peqin ka patur shëmbje të shpatullës së urës në gjatësi 6 ml, 4 m thellësi dhe është gërryer trupi i rrugës në 1.5 m. Këtu rruga është me një kalim dhe është vendosur sinjalistika përkatëse.

Në aksit Tiranë - Km 29 ka patur rreth 7 cm borë. Është kryer spërkatja me kripë, kalimi kryhet normal. Në aksin Elbasan - Gjinar, ka patur 5 cm borë, kalimi pa probleme.

Në aksin Mirakë - Qafë Thanë, ka patur rënie gurësh në Murrash. Fadroma ka punuar gjithë natën dhe tani kalimi kryhet normal. Në Qafë Thanë ka patur rreth 10 cm borë. Ështe kryr kriposja dhe borëpastruesja ka pastruar rrugën. Kalimi normal. Në aksin Trau Dajt - Priske - Qafë Mollë Bize, ka rreth 20 cm borë dhe kalimi kryhet me zinxhirë.


(09:40) VLORË - E mërkura në rajonin e gjirit detar të Vlorës ka nisur me reshje intensive shiu. Në vazhdimësi moti do të jetë i paqëndrueshëm, me reshje shiu në pjesën më të madhe të ditës, ndërkohë që në mbrëmje pritet përmirësim i kushteve meteorologjike.

Kjo tablo sinoptike, rrjedhojë e përfshirjes së rajonit në një zonë me presion atmosferik të ulët, do të shoqërohet me rënie të vlerave të temperaturave, krahasuar me një ditë më parë.

Burime të Kapitenerisë së Portit bënë të ditur se, era do të fryjë e lehtë dhe mesatare nga kuadrati Jug-Jugperëndim, me shpejtësi nga 2-4 deri në 6-8 m/sek në afërsi të bregut të detit.

Temperaturat e ajrit do të arrijnë vlerat maksimale në 11-13 gradë celsius dhe ato minimale nga 8-10 gradë Celsius. Valëzimi në hapësirën detare brenda gjirit të Vlorës parashikohet të arrijë 2-3 ballë dhe në det të hapur 4-5 ballë.


(09:30) ELBASAN - Një mot me temperature të ulta, reshje shiu dhe dëbore ka karakterizuar mëngjesin e së mërkurës të gjithë rajonin e Elbasanit. Burime nga shtabi i emergjencave civile bëjnë të ditur se “që mbrëmjen e djeshme kanë nisur reshjet në zonat malore të Librazhdit, Gramshit dhe Elbasanit, ndërkohë që reshjet e shiut kanë më shumë se 12 orë që bien pa pushim, duke shkaktuar edhe probleme në qarkullimin rrugor". Policia i bën thirrje drejtuesve të mjeteve të kenë kujdes, të ulin shpejtësinë, si edhe të ruhen nga inertet apo gurët që bien nga kodrinat që ndodhen anës disa akseve nacionale.


DURRES - Moti me vranësira dhe kthjellime të ndërrueshme do të karakterizojë sot situatën meteorologjike në rajonin qëndror të vendit. Gjatë pasdites priten edhe reshje shiu. Valëzimi brenda gjirit detar parashikohet të ketë forcën 3, ndërsa në det të det të hapur 4-5 ballë. Dy tragetet që lundrojnë gjatë natës në linjën Bari-Durrës ende nuk janë ankoruar në kalatën përkatëse. Era do të fryjë e fortë, kryesisht nga juglindja dhe në mesditë do të arrijë shpejtësinë maksimale, 15 km në orë. Temperaturat e ajrit, në mesditë pritet të arrijnë kuotën 8 gradë Celsius, duke shënuar një ulje tjetër krahasuar me ditën e martë. Një grup i vogël motopeshkatoresh është nisur për gjueti, kryesisht pranë brigjeve detare nga grykëderdhja e lumit Seman deri në atë të Bunës në veri, përfunduan burimet e kapitenerisë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin