25/11/2013 11:13:04

Në kërkim të tre të arratisurve në Prrenjas

Postoblloqe të reja në gjithë qarkun e Elbasanit

PRRENJAS - Forcat e RENEA-s, FNSH dhe policia e qarkut të Elbasanit vazhdojnë aksionin për të bërë të mundur edhe arrestimin e tre të arratisurve nga burgu i Drenovës të rrethit te Korçës, ngjarje e ndodhur mbrëmjen e së shtunës. Neritan Nallbati, drejtori i Drejtorisë së Policisë së Qarkut të Elbasanit, i pranishëm në këtë aksion, thotë se "ka nisur krehja e të gjithë zonës jo vetëm pranë stacionit të trenit të qytetit të Prrenjasit, ku edhe ndodhej magazina ku ishin strehuar tre të arrestuarit, por edhe më gjerë në këtë qytet". Sipas tij, jane ngritur postoblloqe në të gjithë qarkun e Elbasanit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin