22/11/2013 08:36:24

Arresohet për shfrytëzim protitucioni minorenesh

45 vjeçari Kristo Lenja do të ekstradohet në Itali për dënimet e dhëna nga gjykata e Milanos

POGRADEC - Policia e Korçës, në bashkëpunim me atë të Pogradecit, kanë bërë të mundur arrestimin e shtetasit Kristo Neim Lenja, 45 vjeç, i njohur ndryshe edhe si Spartak Lenja, banues në Pogradec. Lenja është arrestuar me qëllimin e ekstradimit të tij në shtetin e italian.

Ai është shpallur në kërkim ndërkombëtar nga Interpol Roma, pasi autoritetet e Drejtësisë Italiane dhe konkretisht Gjykata e Milanos më date 05.08.2005 e ka dënuar me 7 vite burg. Me vendimin e datës 21.01.2008 Gjykata e Milanos e ka dënuar me 8 vite burg 45 vjeçarin, për kryerjen e veprave penale të “Shfrytëzimit të të miturve për prostitucioni“ dhe “Shkeljes së ligjit mbi imigracionin klandestin”.

Kristo Lenja nga i janari i vitit 1999 deri në muajin janar të vitit 2001, ka qenë pjesë e një organizate kriminale, duke favorizuar imigracionin klandestin për disa shtetase femra, nëpërmjet falsifikimit të dokumentave me qëllim shfrytëzimin e prostitucionit, si dhe për shfrytëzimin e prostitucionit me shtetas te mitur nën moshën 18 vjeç, vepra penale këto të konsumuara në qytetet italiane Milano,Trieste, Sesto San Giovanni dhe Dalmie.

Deri më tani janë kryer veprimet paraprake proceduriale dhe materialet në ngarkim të tij iu dërguan Prokurorisë së Rrethit Gjyqësor Pogradec. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin